ورلڈ ایکواٹکس: فری اسٹائل سوئمنگ میں پاکستان کے آریان دین نے نیا قومی ریکارڈ بنا دیا

ہفتہ 2 اگست 2025 19:58

سنگاپور (اُردو پوائنٹ اخبارتازہ ترین - این این آئی۔ 02 اگست2025ء)ورلڈ ایکواٹکس چیمپئن شپ میں مردوں کی 50 میٹر فری اسٹائل سوئمنگ میں پاکستان کے آریان دین نے نیا قومی ریکارڈ بنا دیا۔سنگاپور میں جاری ورلڈ ایکواٹکس چیمپئن شپ میں پاکستان کے آریان دین کی 50 میٹر فری اسٹائل میں ٹائمنگ 23.87 سیکنڈز رہی۔

(جاری ہے)

وہ ہیٹس میں شریک مجموعی 116 سوئمرز میں سے 68 ویں نمبر پر رہے۔

ایونٹ سے ٹاپ 16 سوئمرز نے سیمی فائنل کیلئے کوالیفائی کیا۔آریان دین سے قبل یہ ریکارڈ آریان رحمٰن خاور کے پاس تھا، جنہوں نے گزشتہ برس24.42 کی ٹائمنگ کے ساتھ یہ ریکارڈ بنایا تھا۔دوسری جانب ورلڈ ایکواٹکس میں خواتین کی 50 میٹر بٹر فلائی میں حریم ملک کی ٹائمنگ 33.20سیکنڈز رہی۔وہ اپنی کیٹیگری کے 80 سوئمرز میں سے 76 ویں نمبر پر رہیں۔