سابق وزیر اعلیٰ محمودخان ،سابق وفاقی وزیر مرادسعید قومی اسمبلی کے دو حلقوں پرآمنے سامنے

منگل 26 دسمبر 2023 19:45

سوات (اُردو پوائنٹ اخبارتازہ ترین - این این آئی۔ 26 دسمبر2023ء) کل کے حلیف آج کے حریف بن گئے،سابق وزیر اعلیٰ محمودخان اور سابق وفاقی وزیر مرادسعید قومی اسمبلی کے دو حلقوں پرآمنے سامنے آگئے۔ دونوں رہنمائوں نے حلقہ این اے 3 اور حلقہ این اے 4 پر کاغذات نامزدگی جمع کرادئے ہیں ۔

(جاری ہے)

تفصیلا ت کے مطابق قومی اسمبلی کے حلقہ این اے 3 اور این اے 4پر سابق وزیر اعلیٰ محمودخان اور سابق وفاقی وزیر مرادسعید کے کاغذات نامزدگی جمع کرادئے گئے ہیںاوریوں کل کے حلیف آج کے حریف بن کر سامنے آئے ہیں ۔

حلقہ این ای4 پر 2018کے انتخابات میں مرادسعید نے 71683 ووٹ لیکر کامیاب ہوئے تھے جبکہ این اے 3پر انہوں نے 2013 میں 88291 ووٹ لیکر کامیابی حاصل کی تھی ۔وزیراعلیٰ محمودخان نے اپنے آبائی حلقے پی کے 10 سے 2 بار پی ٹی آئی کی ٹکٹ پر کامیابی حاصل کی۔ تاہم اس بار محمودخان پی ٹی آئی پی کے پلیٹ فارم سے الیکشن لڑیں گے۔ علاوہ ازیں مراد سعید 9 مئی کے واقعات کے بعد روپوش ہو گئے ہیںاورتاحال منظر عام پر نہیں آئے ہیں ۔