عون چوہدری کی اہلیہ اداکارہ نور کی سیاست میں انٹری

اداکارہ نور نے استحکام پاکستان پارٹی کی جانب سے مخصوص نشت کے لیے کاغذات نامزدگی کی سکروٹنی کے لیے جانچ پڑتال مکمل کرا لی

مقدس فاروق اعوان جمعرات 28 دسمبر 2023 13:54

لاہور( اُردو پوائنٹ اخبارتازہ ترین ۔ 28 دسمبر 2023ء ) لاہوراستحکام پاکستان پارٹی کے رہنما عون چوہدری کی اہلیہ اداکارہ نور کی سیاست میں انٹری ہو گئی، ، اداکارہ نور کاغذات نامزدگی کی جانچ پڑتال کے لیے صوبائی الیکشن کمیشن کے آفس پہنچی اداکارہ نور نے استحکام پاکستان پارٹی کی جانب سے مخصوص نشت کے لیے کاغذات نامزدگی کی سکروٹنی کے لیے جانچ پڑتال مکمل کرا لی ۔

ادکارہ نور عون چوہدری کی بیگم ہیں۔عون چوہدری استحکام پاکستان پارٹی کے متحرک رہنما اور ترجمان ہیں،اس کےعلاوہ معروف ٹک ٹاکر صندل خٹک نے خیبرپختونخوا سے خواتین کی مخصوص نشست کے لیے کاغذات نامزدگی جمع کرا دئیے ہیں۔ میڈیا سے گفتگومیں صندل خٹک نے کہاکہ کس سیاسی جماعت سے وابستہ ہوں ابھی نہیں بتا سکتی، میرے آبائی علاقے میں مسائل ہیں ان کے حل کے لیے میدان میں نکلی ہوں۔

(جاری ہے)

ٹک ٹاکر نے کہاکہ خواتین کو بااختیار بنانا میرا مقصد ہوگا، گیس ہمارے علاقے کی ہے لیکن ہمیں گیس نہیں ملتی، خواتین کو گیس، بجلی اور پانی کے مسائل کا سامنا ہے۔ انہوں نے کہاکہ ہمارے علاقے میں سڑکیں ادھوری بنا کر چھوڑی دی گئی ہیں، مجھے عوام کی حمایت حاصل ہے، جیت کر اپنے علاقے کی بہتری کے لیے کام کروں گی۔صندل خٹک نے کہا کہ جلد ہی بتا دیں گی کہ کس جماعت کی جانب سے سیاست کا آغاز کریں گی۔

صندل خٹک نے کہا کہ مخصوص نشست پر اگر اسمبلی کا حصہ بنی تو کرک کے مسائل حل کروں گی۔ خاص طور پر کرک کی خواتین کو جو بھی مسائل درپیش ہیں ان پر توجہ دوں گی۔ صندل خٹک نے کہا کہ اپنے علاقے میں گیس بجلی اور پانی کے مسائل بھی حل کروں گی اور یہاں پر وہ کام کروں گی جو اب سے پہلے کسی نے نہیں کیے۔دوسری جانب معروف سوشل میڈیا سٹار چاہت فتح علی خان نے بھی الیکشن لڑنے کا اعلان کر دیا۔چاہت فتح علی خان نے لاہور کے حلقہ این اے 128 سے کاغذات نامزدگی جمع کروائے۔