کاغذات نامزدگی مسترد ہونے کیخلاف الیکشن ٹرنیونل میں اپیلیں دائر کرنے کا سلسلہ جاری

پی ٹی آئی کے 8امیدواروں نے اب تک کاغذات نامزدگی مسترد ہونے کے خلاف اپیلیں دائر کردی

پیر 1 جنوری 2024 23:18

پشاور(اُردو پوائنٹ اخبارتازہ ترین - این این آئی۔ 01 جنوری2024ء) کاغذات نامزدگی مسترد ہونے کے خلاف الیکشن ٹرنیونل میں اپیلیں دائر کرنے کا سلسلہ شروع ہوگیا ہے ،پی ٹی آئی کے 8امیدواروں نے اب تک کاغذات نامزدگی مسترد ہونے کے خلاف اپیلیں دائر کردی۔تفصیلات کے مطابق الیکشن ٹربیونل میں کاغذات نامزدگی مسترد ہونے کے خلاف اپیلیں دائر کرنے کاسلسلہ شروع ہوگیا ہے۔

این اے 21 مردان سے پی ٹی آئی کے امیدوار مجاہد خان نے کاغذات مسترد ہونے کے خلاف اپیل دائر کردی۔

(جاری ہے)

پی ٹی آئی کے امیدوار ظاہر شاہ طورو پی کے 57، عبدالسلام آفریدی پی کے 58 نے کاغذات مسترد ہونے کے خلاف اپیل دائر کردی۔پی ٹی آئی امیدوار افتخار مشوانی پی کے 60،امیر فرزند خان پی کے 56 نے کاغذات مسترد ہونے کے خلاف اپیل دائر کردی،پی ٹی آئی کے این اے 35 کوہاٹ آفتاب عالم نے کاغذات مسترد ہونے کے خلاف اپیل دائر کردی،این اے 31 ہنگو سے پی ٹی آئی کے امیدوار یوسف خان نے بھی کاغذات مسترد ہونے کے خلاف اپیل دائر کردی،ہنگو سے پی ٹی آئی کے صوبائی اسمبلی کے امیدوار ابو تراب نے بھی کاغذات نامزدگی مسترد ہونے کے خلاف اپیل دائر کردی،پی ٹی آئی امیدواروں کی جانب سید سکندر حیات شاہ اور شاہ فیصل اتماخیل ایڈوکیٹ نے اپیل دائر کردی ہے۔