اے ایس نیچرل سٹون انڈر-19 انٹر زونل کرکٹ ٹورنامنٹ،زون پانچ نے زون تین بلوز کو 40 رنز سے ہرا دیا

جمعہ 5 جنوری 2024 22:05

کراچی (اُردو پوائنٹ اخبارتازہ ترین - این این آئی۔ 05 جنوری2024ء) ریجنل کر کٹ ایسو سی ایشن کراچی کے زیر اہتمام اور اے ایس نیچرل سٹون کے تعاون سے اے ایس نیچرل سٹون انڈر-19 انٹر زونل کرکٹ ٹورنامنٹ میں گزشتہ روز لانڈھی جیم خانہ گرانڈ پر زون پانچ بلوز نے ہارون رفیق کی شاندار آل رانڈ کارکردگی کی بدولت زون تین بلوز کو 40 رنز سے شکست دے دی۔زون پانچ بلوز نے پہلے بیٹنگ کرتے ہوئے 215 رنز بنائے۔

(جاری ہے)

ہا رون رفیق نے شاندار بیٹنگ کرتے ہوئے 12 چوکوں کی مدد سے 88 ، حذیفہ فہیم نے 38 اور نجیب علی نے 33 رنز بنائے۔ علی مٹھا 38 رنز دیکر 4 جبکہ عثمان بن راشد اور سبحان صادق نے 2-2 کھلاڑیوں کو آوٹ کیا۔جواب میں زون تین بلوز 175 رنز بنا کر آوٹ ہوگئی۔ محمد ایماز نے 42، نجیب اللہ نے 29، احمد مہی الدین نے 27، سلمان سرور 21 رنز بنائے۔ ہا رون رفیق نے 22 رنز دیکر 5 اور شاہ زین کھوکر نے 2 کھلاڑیوں کو آوٹ کیا۔