فواد چودھری نے ایپلٹ ٹریبونل کا فیصلہ لاہور ہائیکورٹ میں چیلنج کر دیا

جسٹس علی باقر نجفی کی سربراہی میں لارجر بینچ جمعہ کے روز سماعت کرے گا

جمعرات 11 جنوری 2024 21:25

لاہور(اُردو پوائنٹ اخبارتازہ ترین - این این آئی۔ 11 جنوری2024ء) سابق وفاقی وزیر فواد چودھری نے ایپلٹ ٹریبونل کا فیصلہ لاہور ہائیکورٹ کے لارجر بینچ کے رو بروچیلنج کر دیا۔ایپلٹ ٹریبونل نے فواد چودھری کے این اے 60 اور 61 سے کاغذات نامزدگی پر اعتراضات کو برقرار رکھا تھا۔جسٹس علی باقر نجفی کی سربراہی میں لارجر بینچ جمعہ کے روز سماعت کرے گا۔

(جاری ہے)

فواد چودھری کی جانب سے ایڈووکیٹ ظفر اقبال مانگٹ نے اپیل دائر کی، انہوں نے درخواست میں موقف اختیار کیا کہ ایپلٹ ٹریبونل نے حقائق کے منافی فیصلہ سنایا۔فواد چودھری پر بیرون ملک دوروں اور بیان حلفی کے مصدقہ نہ ہونے کے اعتراضات لگائے گئے۔ درخواست میں استدعا کی گئی ہے کہ عدالت ایپلٹ ٹریبونل کا فیصلہ معطل کر کے الیکشن لڑنے کی اجازت دے۔