این اے 32 پشاورکا ٹکٹ شیر افضل مروت کونہیں دیا گیا، پی ٹی آئی

ہفتہ 13 جنوری 2024 14:30

اسلام آباد (اُردو پوائنٹ اخبارتازہ ترین - این این آئی۔ 13 جنوری2024ء) پاکستان تحریک انصاف نے کہا ہے کہ حلقہ این اے 32 پشاور کا ٹکٹ شیر افضل مروت کو نہیں دیا گیا، اس حلقے سے آصف خان پی ٹی آئی کے امیدوار ہوں گے۔

(جاری ہے)

پارٹی ذرائع کے مطابق شیر افضل مروت این اے 32 پشاور سے الیکشن لڑنے کے خواہش مند تھے جبکہ پی ٹی آئی کی صوبائی قیادت شیر افضل کی پشاور سے الیکشن لڑنے پر رضا مند نہیں تھی اس حوالے سے شیر افضل مروت نے ایک بیان میں کہا کہ مجھے آبائی حلقہ این اے 41 لکی مروت کا ٹکٹ دیا گیا ہے۔شیر افضل مروت نے کہاکہ مجھے انتخابی معرکے میں کوئی دلچسپی نہیں تھی، بانی چیئرمین پی ٹی آئی نے مجھ پر اور لکی مروت کے لوگوں پر اعتماد کیا ہے۔