sپی ٹی آئی نے کراچی سے امیدواروں کی فہرست میں تبدیلی کردی

قومی اسمبلی کے 2 اور صوبائی اسمبلی کے 8 حلقوں سے امیدوار تبدیل

اتوار 21 جنوری 2024 21:25

*کراچی (اُردو پوائنٹ اخبارتازہ ترین - آن لائن۔ 21 جنوری2024ء) پاکستان تحریک انصاف نے کراچی سے اپنے قومی و صوبائی اسمبلی کے امیدواروں کی فہرست میں تبدیلی کردی، قومی اسمبلی کے 2 اور صوبائی اسمبلی کے 8 حلقوں سے امیدوار بدل دیئے گئے۔ میڈیا رپورٹ کے مطابق این اے 232 کی نشست پر اب عدیل احمد کو نامزد کیا گیا ہے جبکہ این اے 247 پر بیرسٹر فیاض کے بجائے عباس حسین پی ٹی آئی کے امیدوار ہوں گے۔

(جاری ہے)

پی ٹی آئی ترجمان کے مطابق صوبائی اسمبلی کی نشست پی ایس 89 پر احسن خٹک، پی ایس 91 پر سید حماد حسین، پی ایس92 پر ساجد حسین اور پی ایس 97 پر بشیر سوڈھر امیدوار نامزد کردیئے گئے۔ترجمان کا کہنا ہے کہ پی ایس 123 پر امتیاز احمد، پی ایس 124 سے وجاہت صدیقی، 126 پر شیراز نگرانی اور 128 پر ثاقب اقبال اب پی ٹی آئی کے امیدوار ہوں گے۔پی ٹی آئی کے مطابق پی ایس 101 پر تاحال پارٹی کی جانب سے کسی امیدوار کے نام کا اعلان نہیں کیا گیا۔ ہیں۔۔