مرکزی جمعیت اہلحدیث کستان نے (ن)لیگ کی حمایت کااعلان کر دیا

عوام کو بے وقوف نہیں بنایا جاسکتا ،عوام8 فروری کو شیر کو ووٹ دیکر کامیاب بنائیں گے ، احسن اقبال

پیر 22 جنوری 2024 18:40

نورکوٹ (اُردو پوائنٹ اخبارتازہ ترین - این این آئی۔ 22 جنوری2024ء) مرکزی جمعیت اہلحدیث پاکستان کے مرکزی رہنما عبد الوحید بٹ اور انکے ساتھیوں نی8 فروری کو ہونے والے انتخابات میں پاکستان مسلم لیگ ن کی حمایت کا اعلان کردیا ۔اجتماع سے خطاب کرتے ہوئے پاکستان مسلم لیگ (ن )کے مرکزی رہنما امیدوار قومی اسمبلی حلقہ این اے 76 سابق وفاقی وزیر داخلہ احسن اقبال نے کہا کہ عمران نیازی دنیا کو بتا رہا ہے کہ ہم دنیا کی بری قوم ہیں اس نے اداروں پر حملہ کیا، بابائے قوم جناح ہاؤس کو جلا کر خاک کرنے کا کیا مطلب ہے ، اپنی ان ہستیوں کی نشانیوں کو جلائے جانے توڑنے کا کیا مطلب ہے ،اس قوم کے لڑنے مرنے والوں کی بے حرمتی کرے تو وہ کس کے ایجنڈے پر کام کررہے ہیں ملک کی فوج کے خلاف پراپیگنڈہ کرے ملک کی عدلیہ پر حملہ آور ہوکر اپنے سوشل میڈیا کے دہشت گردوں کے ذریعے چور اور ڈاکو کہے پاکستان میں انتشار کی علامت بن کر فوج انتظامیہ میڈیا سے لڑائی کے مرتکب ثابت ہو رہے ہیں،اب عوام کو بے وقوف نہیں بنایا جاسکتا ،عوام8 فروری کو شیر کو ووٹ دیکر کامیاب بنائیں گے۔

(جاری ہے)

امیدوار قومی اسمبلی این اے 75 سابق وفاقی وزیر انوارالحق چوہدری, امیدوار صوبائی اسمبلی پی پی 55 شکرگڑھ اکمل حسین سرگالہ نے بھی کارنر میٹنگ سے خطاب کیا اور 8 فروری کو پاکستان مسلم لیگ ن کو کامیاب کرانے کا مطالبہ کیا۔