ً وقت آگیا ہے بلوچستان کے وسائل کو لوٹنے والوں کا احتساب کیا جائے ، ن لیگی امیدواران

بسیمہ(اُردو پوائنٹ اخبارتازہ ترین - آن لائن۔ 31 جنوری2024ء) پاکستان مسلم لیگ ن کے نامزد امیدوار این اے 260 قومی اسمبلی چاغی ،خاران،نوشکی،واشک سردار فتح محمد محمد حسنی ، پی بی 31 واشک سے پاکستان مسلم لیگ (ن) کے نامزد امیدوار میر مجیب الرحمن محمد حسنی نے کہا کہ اب وقت آگیا ہے کہ بلوچستان کے وسائل کو لوٹنے والوں کا احتساب کیا جائے قوم پرست جماعتیں بلوچ قوم کے ساحل وسائل کے نام پہ عوام سے فراڈ کررہے ہیں کیونکہ سیندک جیسے میگا پروجیکٹ میں اربوں روپے کا گھپلہ کرنے والوں کے خلاف قوم پرستوں اور جمعیت علما اسلام نے سابقہ حکومت کے حصہ رہے مگر اب کس منہ سے بلوچ قوم سے قوم پرستی کے نام پہ ووٹ مانگ رہے ہیں انکے بقایا جات نے واشک کو کئی دہائی پیچھے دھکیل دیا ۔

عوامی فنڈز کر ہڑپ کر محض چند سولر کٹ اور چند ایک بور تک محدود رکھ کر عوام کے آنکھوں میں دھول جھونک دیئے۔

(جاری ہے)

ان خیالات کا اظہار انتخابی جلسہ سے خطاب کرتے کیا۔ ان کا کہنا تھا کہ اپنے دور میں واشک کو یوریا اور چینی کا گزرگاہ بنا دیا اسمگلنگ سے اربوں روپے کما کر عوام کے تذلیل کی اب ایک بار پھر عوام کے درمیاں میں آکر انہی بھتے کی پیسوں سے چند سولر اور کٹس کے زریعے عوام کے ضمیر خریدنے کی کوشش کررہے ہیں انہوں نے انٹرنیشنل بارڈرز کو بند کرکے عوام کو نان شبینہ کے محتاج بنا دیا کھیل کے تمام میدانوں کو ویران کرکے نوجوانوں کو مایوس کیا انہوں نے اپنے دور میں خواتین تک سے بدلہ لیا حالانکہ ہمارے بلوچی اور اسلامی روایات میں بھی خواتین سے بدلہ لینے کو ایک جرم سمجھا جاتا ہیں تمام اداروں کے سینئر آفیسران کو ٹرانسفر کرکے انکے جگہ جونیئر اور ناتجربہ کار آفیسران کو لایا گیا انہوں نے اپنے پانچ سالہ دور میں واشک کو 25 سال پیچھے دھکیل دیا ہم جب وفاقی وزیر رہے تو کوئٹہ سریاب سے لے کر گوادر تک مختلف لوگوں کو برسر روزگار لایا ہم نے گوادر فش ہاربر کے منظوری لی چاغی نوشکی واشک اور خاران میں بھی ہم نے ایضے وفاقی وزیر مختلف لوگوں کو روزگار پہ لگایا میں ایضے ایک سابقہ وفاقی وزیر بسیمہ کے لوگوں کا قرض دار ہوں اقتدار میں آکر بسیمہ کے لوگوں کے لیے روزگار کے مواقع پیدا کرئیں گے سی پیک کو کار آمد بنا کر اسکے فوائد یہاں کے لوگوں کو پہنچائیں گے یہاں کے طلبہ کے لیے اسکالرشپ کے مواقع پیدا کرکے ہونہار طلبا کو باہر ملکوں میں سکالرشپ پہ بھیج دیں گے ہم صرف وعدہ نہیں کرتے ہم جو کہتے ہیں کرکے دکھاتے ہیں پاکستان مسلم لیگ ن کے زیر اہتمام بسیمہ میں انتخابی جلسہ عام سے ممتاز قبائلی شخصیت حاجی عبدالواحد عیسی زئی میر محمد اسماعیل سمالانی ڈاکٹر عبدالصمد محمد حسنی چیف عبداللہ میر فضل کریم عیسی زئی گلفام شبیر عیسی زئی میر حسن جان سمالانی اور دیگر نے بھی خطاب کیا۔