عمران خان کی نااہلی کا مطالبہ نواز شریف کا تھا ،عملی جامہ پہنانے کیلئے جیل میں ایک دن میں دو دو عدالتیں لگائی گئیں، اسد قیصر

جمعرات 1 فروری 2024 22:37

صوابی(اُردو پوائنٹ اخبارتازہ ترین - این این آئی۔ 01 فروری2024ء) سابق اسپیکر قومی اسمبلی اور این اے 19 صوابی 1 سے پی ٹی آئی کے آزاد امیدوار اسدقیصر نے کہا ہے کہ عمران خان کو نااہل کرنے کا مطالبہ میاں نواز شریف کا تھا جس کو عملی جامہ پہنانے کے لیے جیل میں ایک دن میں دو دو عدالتیں لگائی گئیں۔

(جاری ہے)

انتخابی جلسے سے خطاب کرتے ہوئے انہوں نے کہا کہ اس وقت ملک میں قانون ہے اور نہ ہی آئین بلکہ جنگل کا قانون ہے،ان لوگوں کا خیال تھا کہ پی ٹی آئی کے ورکرز مایوس ہوجائیں گے،پی ٹی آئی ورکرز کا جذبہ اور حوصلہ مزید بڑھا،8فروری کو پی ٹی آئی کارکنان اپنا غصہ ووٹ کیذریعے نکالیں گے،3فروری کو صوابی میں جلسے سے چیئرمین بیرسٹر گوہر اور شیرافضل مروت خطاب کرینگے، اسد قیصر نے کہا کہ عمران خان اور اسکی بیوی بشری بی بی کے خلاف جو ایک فیصلہ سنایا گیا ہے اس کا ہمیں پہلے سے پتہ تھا کہ کیسے فیصلہ آئے گا عدالتوں میں جو فیصلے عمران خان کے حوالے سے ہورہے ہیں اس میں قانونی تقاضے پورے نہیں کئیے گئے انہوں نے کہا کہ توشہ خانے سے تو آصف زرداری اور میاں نواز شریف نے بھی لئیے ہیں انہوں نے ورکروں سے اپیل کی کہ وہ ثابت قدم رہیں گھبرانا نہیں یہ ایک لمبی جنگ ہیں جو اس ملک کی نظام بدلنے کے لیے جارہی رہے گی پی ڈی ایم نے سولہ ماہ کے دوران منہگائی کے سوا عوام کو اور کچھ نہیں دیا ۔