سٹیج ڈرامے میں سیتا کو سگریٹ پیتے دکھانے پر پروفیسر اور 5 طلبہ گرفتار

گرفتاریاں ہندو برادری کے مذہبی جذبات کو ٹھیس پہنچانے کے الزام میں کی گئیں

ہفتہ 3 فروری 2024 21:20

نئی دہلی(اُردو پوائنٹ اخبارتازہ ترین - این این آئی۔ 03 فروری2024ء) وزیراعظم نریندر مودی کی سرکار میں بھارت میں انتہا پسندی عروج پر پہنچ گئی۔ ایک اسٹیج ڈرامے میں سیتا کو سگریٹ پیتے دکھانے پر پروفیسر اور 5 طلبہ کو گرفتار کرلیا گیا۔

(جاری ہے)

بھارتی میڈیا رپورٹس کے مطابق انتظامیہ کا موقف ہے کہ ہندو برادری کے مذہبی جذبات کو ٹھیس پہنچانے کے الزام میں ساوتری بائی پھلے پونے یونیورسٹی کے پروفیسر اور 5 طلبہ کو گرفتار کیا گیا۔ پونے یونیورسٹی کیمپس میں پیش کیے گئے رام لیلا ڈرامے کی اسٹیج پرفارمنس کی ایک ویڈیو وائرل ہوئی۔ویڈیو میں سیتا کا کردار نبھانے والے ایک مرد فنکار کو سگریٹ پیتے اور نازیبا زبان کا استعمال کرتے ہوئے دکھایا گیا ہے۔