نواب ثناء اللہ خان زہری سے بلوچستان کے تین آزاد اراکین اسمبلی کی ملاقات ،پیپلز پارٹی میں شمولیت کا عندیہ

اتوار 18 فروری 2024 19:05

اسلام آباد/کوئٹہ(اُردو پوائنٹ اخبارتازہ ترین - این این آئی۔ 18 فروری2024ء) بلوچستان سے آزاد اراکین بلوچستان اسمبلی ملک اسفندیار کاکڑ ،مولانا نوراللہ ،حاجی لیاقت لہڑی کی سابق وزیراعلی بلوچستان چیف آف جھالاوان نواب ثناء اللہ خان زہری سے اسلام آباد میں ملاقات کی۔

(جاری ہے)

ملاقات میں بلوچستان میں حکومت سازی ملکی سیاسی صورتحال سمیت دیگر مختلف موضوعات پر تبادلہ خیال کیا گیا،ملاقات میں ازاد اراکین بلوچستان اسمبلی نے جلد پیپلز پارٹی میں شمولیت کا عندیہ دیا،ملاقات میں پیپلز پارٹی کے سینئر رہنماء جنرل ریٹائرڈ عبدالقادر بلوچ ڈسٹرکٹ چیئرمین خضدار حاجی صلاح الدین زہری پیپلز پارٹی ضلع حب کے صدر میر علی حسن زہری بھی موجود تھے۔