کرینہ کپور نے سابق بوائے فرینڈ شاہد کپور کو نظر انداز کردیا، ویڈیو وائرل

ماضی میں کرینہ کپور اور شاہد کپور کے درمیان ایک لمبے عرصے گہری دوستی قائم رہی

بدھ 21 فروری 2024 11:46

کرینہ کپور نے سابق بوائے فرینڈ شاہد کپور کو نظر انداز کردیا، ویڈیو ..

ممبئی(اُردو پوائنٹ اخبارتازہ ترین - این این آئی۔ 21 فروری2024ء) بالی ووڈ میں ‘بیبو’ کے نام سے مشہور اداکارہ کرینہ کپور نے ایوارڈ شو کی تقریب میں اپنے سابق بوائے فرینڈ اور اداکار شاہد کپور کو نظر انداز کردیا جس کی ویڈیو سوشل میڈیا پر وائرل ہورہی ہے۔بھارتی میڈیا کے مطابق 20 فروری کو ممبئی میں دادا صاحب پھالکے انٹرنیشنل فلم فیسٹیول ایوارڈز (DPIFF) 2024 کی تقریب منعقد ہوئی، ریڈ کارپٹ پر کرینہ کپور اور شاہد کپور کا آمنا سامنا جس کی ویڈیو سوشل میڈیا پر وائرل ہو رہی ہے۔

وائرل ویڈیو میں دیکھا جاسکتا ہے کہ شاہد کپور اپنا ایوارڈ تھامے ہدایت کار جوڑی راج اور ڈی کے کے ساتھ کیمرے کے سامنے پوز دے رہے ہوتے ہیں کہ اسی دوران کرینہ کپور وہاں آجاتی ہیں۔کرینہ کپور نے اپنے سامنے کھڑے شاہد کپور کو نظر انداز کرتے ہوئے ہدایت کاروں سے بات کی اور پھر وہاں سے آگے جاکر میڈیا کے فوٹوگرافرز کو پوز دینے لگیں۔

(جاری ہے)

سوشل میڈیا صارفین کرینہ کپور کا یہ رویہ دیکھ کر اٴْن پر تنقید کررہے ہیں اور شاہد کپور کی حمایت کرتے نظر آرہے ہیں، صارفین کا کہنا ہے کہ کرینہ کپور میں بہت ہی زیادہ نخرہ ہے۔

واضح رہے کہ ماضی میں کرینہ کپور اور شاہد کپور کے درمیان ایک لمبے عرصے گہری دوستی قائم رہی تھی جس کے باعث وہ خوب خبروں کی زینت بھی بنے رہے تھے لیکن اب دونوں اداکار ہی الگ الگ خوشگوار زندگی گزار رہے ہیں۔کرینہ کپور اور شاہد کپور نے دو سٴْپر ہٹ فلموں میں ساتھ کام کیا تھا جن میں فلم ‘جب وی میٹ’ اور ‘اٴْڑتا پنجاب’ شامل ہے۔