ڈپٹی ڈائریکٹرہیلتھ کی زیرصدارت ای سگریٹ، ویلواورشیشہ کے روک تھام کے حوالے سے اجلاس

بدھ 28 فروری 2024 17:41

پشاور (اُردو پوائنٹ اخبارتازہ ترین - اے پی پی۔ 28 فروری2024ء) ڈپٹی ڈائریکٹر ہیلتھ ڈاکٹر ماجد کی سربراہی میں ای سگریٹ، ویلو اورشیشہ کے بارے میں ایک جائزہ اجلاس پشاور میں منعقد ہوا۔

(جاری ہے)

اجلاس میں اسسٹنٹ کمشنر زینب نقوی کے علاوہ تعلیم، صحت، پولیس، ایکسائز، سوشل ویلفیئر، ٹوبیکو کنٹرول، اطلاعات و تعلقات عامہ اور میڈیا کے نمائندوں نے شرکت کی، اجلاس میں ای سگریٹ، ویلو اور شیشہ کی روک تھام کا جائزہ لیا گیا اوربھرپوراندازسے موثر قانون سازی بنانے پر زور دیا گیا اوراس سلسلے میں باہمی مشاورت سے ڈرافٹ تیار کرنے کی ہدایات جاری کی، اجلاس میں عوامی شعور بیدار کرنے کی بھی ہدایت کی گئی، شرکاء اجلاس نے عوام سے اپیل کی کہ حکومت کے ساتھ معاشرے کا ہرفرد بالخصوص نوجوانوں کو ای سگریٹ، ویلو اور شیشہ سے بچائو کیلئے بھر پور کوششیں کرنی ہونگی تاکہ معاشرہ ان خطرناک نشوں سے محفوظ رہے۔