شہباز کو سپورٹ کیا، زرداری کو بھی کریں گے، فاروق ستار

ہفتہ 9 مارچ 2024 22:40

کراچی (اُردو پوائنٹ اخبارتازہ ترین - آن لائن۔ 09 مارچ2024ء) متحدہ قومی موومنٹ (ایم کیو ایم) پاکستان کے رہنما فاروق ستار نے کہا ہے کہ شہباز شریف کو وزارت عظمیٰ کے لیے غیرمشروط طور پر سپورٹ کیا تھا، آصف زرداری کو بھی غیرمشروط طور پر سپورٹ کریں گے۔ایک بیان میں فاروق ستار نے کہا کہ مفاہمتی یاداشتی کی شاید قانونی حیثیت نہیں ہوتی اخلاقی حیثیت ہوتی ہے، بلاول بھٹو نے ہمیں کہا کہ آئینی ترمیم کا مسودہ مجھے دیں۔

(جاری ہے)

بلاول بھٹو نے کہا کہ اختیارات کی نچلی سطح تک منتقلی کے حق میں ہوں، بلاول بھٹو نے بھی اسمبلی میں تقریر کے دوران مفاہمت کی بات کی تھی، انہوں نے کہا کہ وہ وزیرِ خارجہ تھے اس لیے کراچی کے لیے زیادہ کچھ نہ کر سکے اس مرتبہ وہ وزیر نہیں۔انہوں نے کہا کہ سارے اسٹیک ہولڈرز کا اسٹیک داؤ پر لگا ہوا ہے، اسمبلی ناکام ہوتی ہے تو یہ صرف ن لیگ، پیپلز پارٹی یا ایم کیوایم کی ناکامی نہیں پی ٹی آئی کی بھی ناکامی ہو گی۔فاروق ستار کا کہنا ہے کہ ایم کیو ایم کے لیے ان کے ساتھ کام کرنے کی کوئی گنجائش نکلتی ہے تو راستہ نکالنا ہے، ماضی میں ہم سے اچھا سلوک نہیں ہوا۔#

Facebook Twitter Google + Share on Whatsapp

شہباز کو سپورٹ کیا، زرداری کو بھی کریں گے، فاروق ستار

متعلقہ عنوان :

مزید قومی خبریں