ملک کے بیشتر علاقوں میں موسم خشک اوربالائی اضلاع میں سرد رہنے کا امکان

بلوچستان کے مختلف علاقوں میں بارش برسانے والا مغربی ہواوئوں کا سسٹم صوبے سے نکل گیا،یخ بستہ ہوائوں سے سردی بڑھ گئی

جمعرات 14 مارچ 2024 17:42

اسلام آبا د/کوئٹہ (اُردو پوائنٹ اخبارتازہ ترین - این این آئی۔ 14 مارچ2024ء) ملک کے بیشتر علاقوں میں موسم خشک اوربالائی اضلاع میں سرد رہنے کا امکان ہے۔محکمہ موسمیات کے مطابق کشمیر اور گلگت بلتستان میں چند مقامات پر گرج چمک کے ساتھ ہلکی بارش اور پہاڑوں پر برفباری کا امکان ہے۔دوسری جانب کوئٹہ سمیت بلوچستان کے بیشتر علاقوں میں بارش کا سبب بننے والا سسٹم بدھ کو صوبے سے نکل گیا، جس سے صوبے میں جاری کئی روز سے بارشوں کا سلسلہ تھم گیا ہے۔

محکمہ موسمیات نے بتایا کہ جمعرات کو صوبہ کے بیشتر اضلاع میں موسم خشک جبکہ جنوبی اضلاع میں تیز ہوائیں چلنے کا امکان ہے۔محکمہ موسمیات کے مطابق بلوچستان کے مختلف علاقوں میں بارش برسانے والا مغربی ہواوئوں کا سسٹم صوبے سے نکل گیا، بارشوں کے بعد کوئٹہ میں چلنے والی یخ بستہ ہوائوں سے سردی کی شدت میں اضافہ ہوگیا، گیس پریشر میں کمی اور بندش جبکہ بجلی کی طویل لوڈشیڈنگ نے شہریوں کی زندگی اجیرن بنادی ہے۔

(جاری ہے)

کوئٹہ سمیت بلوچستان کے بیشتر علاقوں میں بارش کا سبب بننے والا سسٹم صوبے سے نکل گیا جس کے بعد صوبے میں جاری کئی روز سے بارشوں کا سلسلہ تھم گیا ہے۔بارشوں کے بعد یخ بستہ ہوائیں چلنے سے سردی کی شدت میں اضافہ ہوگیا، کوئٹہ میں کم سے کم درجہ حرارت 3 ڈگری سینٹی گریڈ قلات میں کم سے کم درجہ حرارت 2 ڈگری سینٹی گریڈ، سبی میں کم سے کم درجہ حرارت 11 ڈگری سینٹی گریڈ ریکارڈ کیا گیا ہے۔

محکمہ موسمیات کے مطابق جمعرات کو صوبہ کے بیشتر اضلاع میں موسم خشک جبکہ جنوبی اضلاع میں تیز ہوائیں چلنے کا امکان ہے۔دوسری جانب کوئٹہ اور صوبے کے شمالی علاقوں میں گیس پریشر میں کمی اور بندش کے علاوہ بجلی کی غیر اعلانیہ لوڈشیڈنگ نے شہریوں کی مشکلات میں اضافہ کردیا ہے۔ گیس کی بندش کی وجہ سے کوئٹہ میں گیس لیکج دھماکے ہورہے ہیں جس کی وجہ سے باپ بچوں سمیت 3 قیمتی جانیں ضائع ہوئیں اور ماں بیٹی سمیت 15 افراد زخمی ہوئے ہیں۔