مودی سرکارکیخلاف ریلی میں ہزاروں افراد کی شرکت

اروند کیجریوال کی کرپشن کے الزام میں گرفتاری کیخلاف احتجاج ریکارڈ کروایا گیا

منگل 2 اپریل 2024 21:01

نئی دہلی (اُردو پوائنٹ اخبارتازہ ترین - آن لائن۔ 02 اپریل2024ء) مودی سرکار کیخلاف ریلی میں ہزاروں افراد کی شرکت، اروند کیجریوال کی کرپشن کے الزام میں گرفتاری کیخلاف احتجاج ریکارڈ کروایا گیا ، اروند کیجریوال کو کرپشن کے الزام میں گرفتار کیا گیا جو کہ نئی دہلی کے منتخب وزیر اعلیٰ اور انسداد کرپشن مہم کے سربراہ ہیں۔

(جاری ہے)

بھارت میں مودی سرکار کیخلاف جمہوریت بچاو? ریلی کا انعقاد کیا گیا ، جمہوریت بچاو? ریلی کا انعقاد اروند کیجریوال کی کرپشن کے الزام میں گرفتاری کیخلاف احتجاج ریکارڈ کروانے کے لیے کیا گیا، جمہوریت بچاو? ریلی میں ہزاروں افراد نے شرکت کی اور مودی سرکار کیخلاف اپنی آواز بلند کی ، مودی کے زیر نگرانی فیڈرل انفورسمنٹ ڈائریکٹوریٹ نے اروند کیجریوال کو گرفتار کیا، عام آدمی پارٹی کی جانب سے بتایا گیا کہ اروند کیجریوال کیخلاف تمام الزامات بے بنیاد ہیں اور مودی سرکار اپنی کرپشن پر پردہ ڈالنے کے لیے اپوزیشن کے خلاف الزام تراشی کررہی ہے، مودی پر 13 ہزار کروڑ کی کرپشن ثابت ہوچکی ہے جسکو چھپانے کیلئے مودی سرکار اپوزیشن کو نشانہ بنارہی ہے، میڈیا رپورٹس کے مطابق بھارتی عوام کا کہنا ہے کہ انتخابات میں ووٹ جمہوریت کو بچانے کے لیے ڈالنا ہوگا، عام انتخابات میں کیجریوال مودی کیخلاف سب سے مظبوط امیدوار تھے، مودی کے ناقدین کا کہنا ہے کہ مودی سرکار نے سیاسی مخالفین کو کچلنے اور منصفانہ انتخابات کے امکانات کو کم کرنے کے لیے تفتیشی ایجنسیوں اور ٹیکس حکام کو ہتھیار کے طور پر استعمال کیا۔