ملک کے بالائی علاقوں میں چند مقامات پر جھکڑ چلنے ،گرج چمک کے ساتھ بارش اور بلند پہاڑوں پر برف باری کا امکان ہے،محکمہ موسمیات

بدھ 3 اپریل 2024 18:02

اسلام آباد (اُردو پوائنٹ اخبارتازہ ترین - اے پی پی۔ 03 اپریل2024ء) ملک کے بالائی علاقوں چند مقامات پر جھکڑ چلنے اور گرج چمک کے ساتھ بارش اور بلند پہاڑوں پر برف باری کا امکان ہے۔ محکمہ موسمیات کے مطابق (کل ) جمعرات کے روز ملک کے بیشتر علا قوں میں موسم خشک جبکہ جنوبی علاقوں میں گرم رہے گا۔ بالائی خیبر پختونخوا، گلگت بلتستان ،کشمیراور جنوب مغربی بلوچستان میں چند مقامات پر جھکڑ چلنے اور گرج چمک کے ساتھ بارش اور بلند پہاڑوں پر برف باری کا امکان ہے۔

گذشتہ 24 گھنٹوں کے دوران ملک کے بیشتر علاقوں میں موسم خشک جبکہ جنوبی علا قوں میں گرم رہا تاہم بالائی خیبر پختونخوا، گلگت بلتستان، خطہ پوٹھوہار ، کشمیراور لسبیلہ میں چند مقا مات پر تیز ہواؤں اور گرج چمک کے ساتھ بارش ہوئی۔

(جاری ہے)

سب سے زیادہ بارش خیبر پختونخوا میں کالام 24، دیر (بالائی 17، زیریں 02)، چترال 16، بالاکوٹ13، دروش 11، کاکول، مالم جبہ، میرکھانی 06، پشاور(ائرپورٹ03،سٹی01) ،بنوں،پٹن ،باچاخان ائرپورٹ 02،سیدو شریف 01، کشمیر میں گڑھی دوپٹہ09،مظفر آباد (سٹی08، ایئر پورٹ06) ،کوٹلی02، راولاکوٹ01، گلگت بلتستان میں استور 08، ہنزہ 06،چلاس 04،بونجی02،گوپس01،بلوچستان: لسبیلہ04،پنجاب: مری 03، اٹک اور راولپنڈی (چکلالہ) میں ایک ملی میٹر بارش ریکارڈ ہوئی۔

اس کے علاوہ کالام میں 01 انچ برف باری ریکارڈ کی گئی۔ اس دوران ملک میں زیادہ سے زیادہ درجہ حرارت شہید بینظیر آباد،جیکب آباد39 ،دادو،موہنجو داڑو،پڈعیدن،حیدر آباد،سکرنڈ اور رحیم یار خان میں 38 ڈگری سینٹی گریڈ ریکارڈ کیا گیا۔