ملکی معیشت کی بہتری کیلئےپر وزیراعظم کی کوششوں کو خراج تحسین پیش کرتے ہیں،صدر آئی سی سی آئی بیان

اسلام آباد (اُردو پوائنٹ اخبارتازہ ترین - اے پی پی۔ 29 اپریل2024ء) اسلام آباد چیمبر آف کامرس اینڈ انڈسٹری کے صدراحسن بختاوری نے کہا ہے کہ ملکی معیشت کی بہتری کیلئے کوششوں پر وزیراعظم شہباز شریف کوخراج تحسین پیش کرتے ہیں، انہوں نے ثابت کیا کہ وہ واقعی پرائم منسٹر آف ایکشن ہیں۔ ان خیالات کا اظہار انہوں نےپیر کو وزیراعظم کے دورہ سعودی عرب کے حوالے سے اپنے بیان میں کیا۔

انہوں نے کہا کہ ملک کو قرضوں سے چھٹکارا دلانے کیلئے ٹیکس نیٹ کو وسیع کرنا ہوگا،وزیراعظم کی ورلڈ اکنامک فورم کے سائیڈ لائنز پر ملاقاتوں سے معیشت پر مثبت اثر پڑےگا۔ احسن بختاوری نے کہا کہ وزیراعظم شہباز شریف نے ثابت کیا ہےکہ وہ واقعی پرائم منسٹر آف ایکشن ہیں،ہم ملکی معیشت کی بہتری کیلئے کوششوں پر انہیں خراج تحسین پیش کرتے ہیں۔

(جاری ہے)

ا نہوں نے کہا کہ حکومتی پالیسیوں کے نتیجے میں معاشی حالات بہتر ، کاروبار کا پہیہ چلنا شروع ہو رہا ہے ، ملک کو قرضوں کے چنگل سے چھٹکارا دلانے کیلئے ٹیکس نیٹ کو وسیع کرنا ہوگا۔ انہوں نے کہا کہ سعودی وزیر سرمایہ کاری نے یقین دہانی کروائی ہے کہ سرمایہ کاروں کا وفد جلد پاکستان کا دورہ کرےگا ۔ صدر آئی سی سی آئی نے کہا کہ میکرو اکنامک استحکام ، پائیدار اقتصادی ترقی کیلئے دانش مندانہ پالیسیاں کا تسلسل ضروری ہے ، بزنس کمیونٹی معاشی بہتری کیلئے حکومت کے تمام فیصلوں کے ساتھ کھڑی ہے۔