ٹی ٹونٹی ورلڈ کپ 2024ء: وہاب ریاض نے بابر اور صائم کی اوپننگ جوڑی توڑنے کا اشارہ دیدیا

لاہور (اردو پوائنٹ تازہ ترین اخبار ۔ 2 مئی 2024ء ) پاکستان کے سلیکٹر وہاب ریاض نے جمعرات کو آئندہ T20 ورلڈ کپ 2024 کے لیے ٹیم کی افتتاحی جوڑی کے بارے میں اپنے خیالات کا اظہار کیا۔ نیوزی لینڈ کیخلاف حالیہ ٹی ٹونٹی سیریز کے دوران بابر اعظم اور صائم ایوب نے پاکستان کی جانب سے اننگز کا آغاز کیا۔ تاہم وہاب ریاض نے میگا ایونٹ سے قبل افتتاحی جوڑی میں تبدیلی کو مسترد نہیں کیا ہے۔

وہاب ریاض کا کہنا تھا کہ "روٹیشن ایک ایسی چیز ہے جس پر ہم یقین رکھتے ہیں اور یہ ایک رجحان ہے جو ہم نے شروع کیا ہے۔ اس میں کوئی شک نہیں کہ بابر اور رضوان وہ کھلاڑی ہیں جن پر ٹیم سب سے زیادہ انحصار کرتی ہے۔ انہوں نے مزید کہا کہ "ہم چاہتے تھے کہ بابر یا رضوان میں سے کوئی ایک مڈل آرڈر کو سپورٹ فراہم کرے، اسی لیے صائم جو کہ زیادہ اٹیکنگ کھلاڑی ہیں، نے اننگز کا آغاز کیا۔

(جاری ہے)

یہ بھی منصوبہ بندی کا حصہ ہے اگر کہیں ہم محسوس کرتے ہیں کہ ہمیں تبدیلی کی ضرورت ہے تو ہم بھی ایسا ہی کریں گے۔ ہم ٹیم کے بہترین مفاد میں کام کر رہے ہیں۔" پی سی بی کی سلیکشن کمیٹی نے آج آئرلینڈ اور انگلینڈ کے خلاف رواں ماہ ہونے والی ٹی ٹوئنٹی سیریز کے لیے 18 رکنی اسکواڈ کا اعلان کردیا۔ آئی سی سی مینز ٹی 20 ورلڈ کپ 2024 کے لیے اسکواڈ کو کم کر کے 15 کھلاڑیوں تک کر دیا جائے گا، جو 22 مئی کو انگلینڈ کے خلاف پہلے T20I کے بعد یکم جون سے شروع ہوگا۔ ٹیم لاہور میں 4 سے 6 مئی تک تین روزہ تربیتی کیمپ کے بعد 7 مئی کو ڈبلن روانہ ہوگی۔