ملک کو سیاہ دور سے نکال کر ترقی کی جانب لے جا رہے ہیں‘ ملک افضل کھوکھر

رائے ونڈ (اُردو پوائنٹ اخبارتازہ ترین - این این آئی۔ 10 مئی2024ء) مسلم لیگ (ن) کے مرکزی رہنما و رکن قومی اسمبلی ملک افضل کھوکھر نے کہا ہے کہ نواز شریف ، شہباز شریف اور وزیراعلی پنجاب مریم نواز کی قیادت میں ملک کو سیاہ دور سے نکال کر ترقی کی جانب لے جا رہے ہیں،مسلم لیگ (ن) ہی پاکستان کو ایشین ٹائیگر بنائے گی اور جلد ہی عوام کی محرومیوں کا ازالہ کرے گی۔

(جاری ہے)

انہوں نے اپنے بیان میں کہا کہ روز مرہ کی چیزیں سستی کرنے سے عوام کو بہترین ریلیف دیا جا رہا ہے اور سعودی عرب سے کاروباری معاملات ہونے پر ملک میں بہت جلد خوشحالی آئے گی ۔ملک افضل کھوکھر نے کہا کہ سستی روٹی سکیم سے وزیر اعلی پنجاب مریم نواز نے عوام کے دل جیت لئے ہیں ۔ انہوں نے کہا کہ 9مئی پاکستان کی تاریخ کا سیاہ باب ہے جس کے ذمہ داروں کا تعین کرکے انہیں کیفر کردار تک پہنچائے بغیر آگے بڑھا نہیں جاسکتا ۔اداروں کے خلاف منظم تحریک چلانے والے ملک دشمن عناصر آج بھی آزادی اظہار رائے کے پیچھے چھپ کر ملکی سالمیت دا پر لگانے کی مسلسل کوششیں کررہے ہیں مگر ان کی کوئی سازش کامیاب نہیں ہوگی کیونکہ سچائی ہمیشہ جھوٹ پر غالب آتی ہے ۔