وائس چانسلرزرعی یونیورسٹی ڈاکٹر اقرار احمد خاں کیخلاف مبینہ کرپشن

فیصل آباد(اُردو پوائنٹ اخبارتازہ ترین - آن لائن۔ 18 مئی2024ء) وائس چانسلر زرعی یونیورسٹی ڈاکٹر اقرار احمد خاں کیخلاف مبینہ کرپشن، اقربا پروری سمیت دیگر الزامات کے معاملے پر حکومت پنجاب نے یو نیورسٹی کے متعلقہ انتظامی ادارے محکمہ زراعت پنجاب سے تحقیقات کروانے کا فیصلہ کر لیا۔ الزامات ثابت ہونے کی صورت میں گورنر پنجاب نے کارروائی کے لیے سمری تیار کرنے کی بھی ہدایت کر دی،جبکہ وائس چانسلر ڈاکٹر اقرار احمد خان ستمبر میں ریٹا ئرڈ ہو نے والے ہیں ، آن لا ئن کے مطا بق زرعی یونیورسٹی کے وائس چانسلر ڈاکٹر اقرار احمد خان کی جانب سے طویل اقتدار کے دوران کی جانب والی مبینہ کرپشن، بے ضابطگیوں، اقربا پروری کے معاملات پر پنجاب حکومت نے بالا آخر با ضابطہ کارروائی کا آغاز کر دیا۔

(جاری ہے)

گورنر پنجاب کی جانب سے زیر سماعت مختلف معاملات کی شنوائی کی گئی جس میں وائس چانسلر ڈاکٹر اقرار احمد خاں کی جانب سے چانسلر کے احکامات کو نظر انداز کرنے، بیٹے کو خلاف ضابطہ سکالرشپ کے لیے بیرون ملک بھجوانے اور اس مد میں پیشگی فنڈ ز ادا کرنے، یونیورسٹی میں خلاف قانون 608ملازمین کی بغیر کسی اشتہار کے تعیناتیوں، 90لاکھ روپے سے زائد کا خلاف ضابطہ اعزاز یہ، وی سی کے ساتھ ساتھ پرا جیکٹ ڈائریکٹر کا عہدہ اپنے پاس رکھ کر 42لاکھ روپے کی اضافی تنخواہ لینے، الیکشن کمیشن کی پابندی کے باوجود یو نیورسٹی آف کمالیہ میں بطور نگران 99 ملازمین کی تعیناتی اور خاندان کے افراد کو یونیورسٹی میں نواز نے جیسے معاملات کو سامنے رکھا گیا۔

جبکہجبکہ وائس چانسلر ڈاکٹر اقرار احمد خان ستمبر میں ریٹا ئرڈ ہو نے والے ہیں ،علا وہ ازیں گورنر پنجاب کی جانب سے جاری کیے گئے احکامات میں یونیورسٹی کے انتظامی معاملات چلانے والے شعبہ زراعت پنجاب کو تحقیقات کرنے کی ہدایت کی گئی ہے اور الزامات ثابت ہونے کی صورت میں وائس چانسلر کے خلاف کارروائی کے لیے سمری تیار کرنے کی بھی ہدایت کی گئی ہے۔

یادر ہے کہ یونیورسٹی میں 608 ملازمین کی خلاف ضابطہ کاروائیوں پر وی سی زرعی یونیورسٹی کے خلاف اینٹی کرپشن کا مقدمہ درج ہے تا ہم انکوائری التوا کا شکار ہے جبکہ دیگر معاملات میں بھی موصوف کی جانب سے گورنر کے احکامات پر عملدرآمد نہ کرنے کی طویل فہرست ہے۔ متعلقہ حلقوں کی جانب سے مبینہ کرپشن کے معاملات پر نیب اور ایف آئی اے سے انکوائری کروانے کا مطالبہ کیا جا رہا ہے۔ اس حوالے سے ڈاکٹر اقرار احمد خاں کا کہنا ہے کہ مذکورہ معاملات کی انکوائری کے حوالے سے جاری کیا گیا نوٹیفکیشن انہیں سابقہ گورنر کی جانب سے بطور تحفہ دیا گیا جس میں کوئی صداقت نہیں وہ انکوائری کا سامنا کریں گے۔