![UrduPoint](https://photo-cdn.urdupoint.com/daily/images/Logos/up-logo-mobile-ur.png)
بلوچستان کی پسماندگی کو مدنظر رکھتے ہوئے صوبے کو پراپرٹی ٹیکس میں چھوٹ دی جائے ،بلوچستان میں تمام روڈ بالخصوص ژوب میر علی خیل روڈ پر کام کی رفتار کو تیز کیا جائے،مرکزی انجمن تاجران بلوچستان کے صدر عبدالرحیم کاکڑ اوردیگر کی پریس کانفرنس
جمعرات 23 مئی 2024 01:00
(جاری ہے)
انہوں نے کہا کہ بلوچستان ایک پسماندہ اور ہر لحاظ سے پسماندہ صوبہ ہے بلوچستان کو پراپرٹی ٹیکس سے چھوٹ دی جائے اس سلسلے میں صوبائی اسمبلی نے باقاعدہ ایک قرار داد بھی منظور کی ہے جو ریکارڈ پر موجود ہے ۔
انہوں نے کہا کہ مرکزی اور صوبائی حکومتیں تمام ہمسایہ ممالک بالخصوص افغانستان ،ایران ،چائنا کے ساتھ تجارتی تعلقات کو بہتر بنائے کیونکہ جب ہمسایہ ممالک کے ساتھ تجارتی ذرائع بحال ہونگے تو اس سے ہمسایہ ممالک کے ساتھ تعلقات پر مثبت اثرات مرتب ہونگے اور ہمسایہ ممالک کے ساتھ ہر قسم کے مسائل و اختلافات کو بات چیت کے ذریعے حل کیا جائے ۔انہوں نے کہا کہ بلوچستان میں تمام روڈ بالخصوص ژوب میرعلی خیل روڈ پر کام کی رفتار کو تیز کیا جائے اور ٹانگ کی طرف سے جلد از جلد کام شروع کیا جائے اور بلوچستان ہائیکورٹ کے احکامات کی روشنی میں روڈ کے کام کو مقررہ وقت میں مکمل کیا جائے تاکہ لوگوں اور تاجروں کو آمدورفت میں سہولت میسر آسکے، سابق حکومتوں نے عوامی مفاد کیلئے جو منصوبے شروع کئے تھے ان منصوبوں کی تکمیل کیلئے جامع پالیسی مرتب کی جائے تاکہ عوامی فنڈز کے ضائع کو روکا جاسکے۔انہوں نے کہا کہ بلوچستان میں امن و امان کی صورتحال روز بروز خراب ہوتی جارہی ہے جس سے تاجروں اور عوام میں عدم تحفظ کا احساس پایا جاتا ہے گزشتہ رات بھی دکی میں کوئلہ لیکر جانے والے ٹرکوں پر نامعلوم افرادنے فائرنگ کرکے ایک ڈرائیورکو شہید کردیا جبکہ دیگر ڈرائیوروں نے بھاگ کر اپنی جانیں بچائیں جس کے بعد نامعلوم افراد نے ٹرکوں پر تیل چھڑک کر آگ لگادی جس سے کروڑوں روپے مالیت کے ٹرک جل کر خاکستر ہوگئے دکی سمیت دیگر علاقوں میں آئے روزا س قسم کے واقعات معمول بن چکے ہیںجس سے صوبے میں سرمایہ کاری متاثر ہورہی ہے حکومت تاجروں اور عوام کے تحفظ کو یقینی بنانے کیلئے موثر اور عملی اقدامات اٹھائے اور دہشت گردی کے واقعات میں ملوث عناصر کو گرفتار کرکے قانون کے کٹہرے میں لایا جائے انہوں نے کہا کہ چمن میں پاک افغان بارڈر پر پاسپورٹ کی شرط عائد کئے جانے کے خلاف پرلت کے زیراہتمام گزشتہ کئی ماہ سے چمن میں تاجروں اور عوام نے دھرنا دے رکھا ہے اور گزشتہ کئی دنوں سے کوژک ٹاپ کو ہرقسم کی آمدورفت کیلئے بند کردیا گیا جس کے باعث سڑک کے دونوں جانب ہزاروں کی تعداد میں سامان سے لوڈ ٹرک پھنس کر رہ گئے ہیں بین الاقوامی شاہراہ بند ہونے کی وجہ سے سینکڑوں ٹرک مختلف ہوٹل میں کھڑے ہیں اور انکے مالکان تاجروں سے فی دن 20ہزار روپے کا مطالبہ کر رہے ہیں جو تاجروں کے بس کی بات نہیں ہے وفاقی اور صوبائی حکومتیں پرلت کے مطالبات کو فوری طور پر تسلیم کریںاور بین الاقوامی شاہراہ کو کھولنے کیلئے اقدامات اٹھائے تاکہ تاجرحضرات مزید نقصان سے بچ سکیں۔انہوں نے کہا کہ کوئٹہ کی سڑکیں ٹوٹ پھوٹ کا شکارہیں جن کی تعمیر کیلئے حکومت فوری اقدامات اٹھائے۔انہوں نے کہا کہژوب میں مرکزی انجمن تاجران کے ضلعی صدراباران خان کلیوال اور جنرل سیکرٹری محمد دین ہیں ضلعی انتظامیہ اوردیگر ادارے کسی بھی مسئلے پر مرکزی انجمن تاجران کے صدر سے رابطہ کریں اور تاجروں کے مسائل کے حل کیلئے فوری اقدامات اٹھائیں۔مزید قومی خبریں
-
اسلام آباد پولیس کی بڑی کامیابی، نومولود بچی کو اغواکرنے والا دو خواتین سمیت چار رکنی گینگ گرفتار
-
وزیر اعظم بتائیں آٹا، چینی، دال، مصالحوں پر 18فیصد ٹیکس لگا کر کون سی مہنگائی کم کی ‘ حافظ نعیم الرحمن
-
عید قربان پر غریب ، نادار اور معاشی حالات سے تنگ افراد کو ہر گز نہ بھولیں،گورنر سندھ
-
اسلام آباد پولیس کا عید الضحیٰ کے موقع پر خصوصی ٹریفک پلان تشکیل،عید کے موقع پر 600سے زائد ٹریفک پولیس افسران اپنی ڈیوٹی سر انجام دیں گے
-
چیف جسٹس لاہور ہائی کورٹ کیخلاف سپریم جوڈیشل کونسل میں درخواست دائر
-
عید کے دوران گوشت کا زیادہ استعمال صحت کیلئے نقصان دہ ہوسکتا ہے، ماہرین
-
قومی کرکٹ ٹیم کی خراب کارکردگی پر خیبرپختوا حکومت کا ردعمل
-
نامعلوم مسلح افراد نے تفریح کیلئے آئی شادی شدہ خاتون کو اغوا کر لیا،مقدمہ درج
-
300یونٹ استعمال کرنے والوں کو مفت سولر لگا کر دیں گے، گورنر سندھ
-
ڈرون کیمروں کی سول ایوی ایشن میں رجسٹریشن لازمی قرار
-
عید قرباں میں ایک روز باقی، مویشی منڈیوں میں خریدو فروخت تیز
-
قربانی کا مقصد اپنی نفسانی خواہشات کو اعلیٰ مقاصد کے حصول کیلئے قربان کرنا ہے،وزیراعظم محمد شہباز شریف کا عید الاضحیٰ پر پیغام
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.