آئندہ 24 گھنٹوں کے دوران ملک کےبیشتر میدانی علاقے شدید گرمی کی لہرکے زیراثر رہیں گے ، محکمہ موسمیات

ہفتہ 25 مئی 2024 23:07

اسلام آباد (اُردو پوائنٹ اخبارتازہ ترین - اے پی پی۔ 25 مئی2024ء) محکمہ موسمیات کے مطابق آئندہ 24 گھنٹوں کے دوران ملک کےبیشتر میدانی علاقے شدید گرمی کی لہرکے زیراثر رہیں گے جبکہ بعداز دوپہر گردآلود ہوائیں اور جھکڑ چلنے کا امکان ہے۔ تاہم گلگت بلتستان میں مطلع جزوی ابرآلود رہنے کے علاوہ تیز ہواؤں اورگرج چمک کے ساتھ چند مقامات پر بارش ہو سکتی ہے۔

(جاری ہے)

گذشتہ 24 گھنٹوں کے دوران ملک کے بیشترعلاقے شدید گرمی کی لپیٹ میں رہے، تاہم کشمیر، بالائی خیبر پختونخوااورشمالی پنجاب میں تیز ہواؤں،آندھی اور جھکڑچلنے کے علاوہ چند مقامات پر گرج چمک کے ساتھ بارش ہوئی۔سب سے زیادہ بارش کشمیر میں کوٹلی 05، خیبرپختونخوا میں پٹن 04، مالم جبہ 03، چترال، کالام 01، سیالکوٹ (سٹی 03، ایئرپورٹ 01)، گجرات، نارووال 03، مری، ٹوبہ ٹیک سنگھ 02 اورفیصل آباد میں01ملی میٹر بارش ریکارڈ کی گئی۔

محکمہ موسمیات نےانتباہ کی ہے کہ رواں ہفتے ملک کےبیشتر میدانی علاقے شدید گرمی کی لہرکی لپیٹ میں رہیں گے ۔ہفتہ کو ریکارڈ کیے گئے زیادہ سے زیادہ درجہ حرارت میں دادو، موہنجوداڑو 50، جیکب آباد 49، شہید بینظیر آباد، پڈعیدن، سبی، لاڑکانہ، روہڑی، سکھر، تربت 48، بہاولپور، خیرپوراور سکرنڈ میں47 ڈگری سینٹی ریکارڈ کیا گیا۔