لاہور پولیس نے شاہ محمود قریشی کی مزید 8 مقدمات میں گرفتاری ڈال دی

عدالت نے سکیورٹی خدشات کی بنا پر وائس چیئرمین پی ٹی آئی کو لاہور منتقل کرنے سے منع کر دیا

اتوار 26 مئی 2024 20:50

لاہور پولیس نے شاہ محمود قریشی کی مزید 8 مقدمات میں گرفتاری ڈال دی

لاہور(اُردو پوائنٹ اخبارتازہ ترین - این این آئی۔ 26 مئی2024ء) لاہور پولیس نے اڈیالہ جیل میں قید پاکستان تحریک انصاف کے وائس چیئرمین اور سابق وزیر خارجہ شاہ محمود قریشی کی مزید 8 مقدمات میں گرفتاری ڈال دی تاہم پولیس اڈیالہ جیل میں ہی شاہ محمود سے تفتیش کرے گی۔

(جاری ہے)

تفتیشی ٹیم نے انسداد دہشتگردی عدالت لاہور سے شاہ محمود قریشی کو لاہور منتقل کرنے کی اجازت مانگی تھی تاہم عدالت نے 3 روزہ ریمانڈ دیتے ہوئے سکیورٹی خدشات کی بنا ء لاہور منتقل کرنے سے منع کر دیا۔بعدزاں لاہور پولیس کی ٹیم شاہ محمود قریشی کو گرفتار کرنے اڈیالہ جیل پہنچی اوراڈیالہ جیل میں ان کا ہی بیان ریکارڈ کیا گیا۔ریمانڈ مکمل ہونے پر شاہ محمود قریشی ویڈیو لنک کے ذریعے انسداد دہشتگردی کی عدالت میں پیش ہوں گے۔