پاکستان کوسٹ گارڈزکی اوتھل میں کارروائی ،سگریٹ اور گٹکا برآمد

پیر 27 مئی 2024 12:46

کراچی (اُردو پوائنٹ اخبارتازہ ترین - اے پی پی۔ 27 مئی2024ء) پاکستان کوسٹ گارڈزنے اپنی انٹیلیجنس ذرائع کی بنیاد پراوتھل روڈ چیک (بلوچستان) پر معمول کی چیکنگ کے دوران کوئٹہ سے کراچی آنے والی الامداد کوچ سے 4 ہزار 650پیکٹ انڈین گٹکا اور 85 اسٹکس غیر ملکی سگریٹ برآمد کر لی گئی۔

(جاری ہے)

ترجمان کے مطابق پاکستان کوسٹ گارڈز نے برآمد شدہ انڈین گٹکا، سگریٹ قبضے میں لے کر مسافر کوچ کے خلاف قانونی کارروائی شروع کر دی ہے۔انہوں نے مزید بتایا کہ پاکستان کوسٹ گارڈز ہر قسم کی اسمگلنگ کی روک تھام کے لیے ہمہ وقت مصروف عمل ہے اور ملکی معیشت کو مستحکم کرنے میں اپنا کردار ادا کر تی رہے گی۔