پاکستان کوسٹ گارڈزکی اوتھل میں کارروائیُ سگریٹ اور گٹکا کی بڑی مقدار برآمد

پیر 27 مئی 2024 22:04

کراچی (اُردو پوائنٹ اخبارتازہ ترین - آن لائن۔ 27 مئی2024ء) پاکستان کوسٹ گارڈزنے اوتھل میں کارروائی کرتے ہوئے سگریٹ اور گٹکا کی بڑی مقدار برآمدکرلی، برآمد شدہ انڈین گٹکا، سگریٹ اور نسوار قبضے میں لے کر مسافر کوچ کے خلاف قانونی کاروائی ، پاکستان کوسٹ گارڈز ہر قسم کی اسمگلنگ کی روک تھام کے لیے ہمہ وقت مصروف عمل ہے، پاکستان کوسٹ گارڈزنے اپنی انٹیلی جنس ذرائع کی بنیاد پراوتھل روڈ چیک (بلوچستان) پر معمول کی چیکنگ کے دوران کوئٹہ سے کراچی آنے والی الامداد کوچ سے 4650 پیکٹ انڈین گٹکا اور 85 سٹکس غیر ملکی سگریٹ برآمد کر لی گئی،پاکستان کوسٹ گارڈز نے برآمد شدہ انڈین گٹکا، سگریٹ اور نسوار قبضے میں لے کر مسافر کوچ کے خلاف قانونی کاروائی شروع کر دی ہے، پاکستان کوسٹ گارڈز ہر قسم کی اسمگلنگ کی روک تھام کے لیے ہمہ وقت مصروف عمل ہے اور ملکی معیشت کو مستحکم کرنے میں اپنا کردار ادا کر تی رہے گی۔