ایک چھوٹی سی چنگاری بہت بڑی ایمرجنسی میں بدل سکتی ہے عوام الناس سے التماس ہے کہ شدید گرمی کی وجہ سے جنگلات کے قریب کسی قسم کی سگریٹ یا چنگاری نہ پھینکیں، ڈسٹرکٹ ایمرجنسی آفیسر جہلم

طارق مجید کھوکھر جمعہ 31 مئی 2024 14:10

جہلم (اُردو پوائنٹ اخبارتازہ ترین۔ 31 مئی2024ء) ضلع جہلم کے مختلف علاقوں میں جھاڑیوں میں آگ لگنے کے واقعات پر ڈسٹرکٹ ایمرجنسی آفیسر انجنئیر سعید احمد کا عوام سے التماس ایک چھوٹی سی چنگاری بہت بڑی ایمرجنسی میں بدل سکتی ہے عوام الناس سے التماس ہے کہ شدید گرمی کی وجہ سے جنگلات کے قریب کسی قسم کی سگریٹ یا چنگاری نہ پھینکیں تفصیلات کے مطابق ضلع جہلم کے مختلف علاقوں میں جھاڑیوں میں آگ لگنے جیسے واقعات پر ڈسٹرکٹ ایمرجنسی آفیسر سعید احمد نے عوام الناس سے درخواست کی ہے کہ جنگلات کے قریب کسی قسم کی چنگاری نہ پھینکیں خاص کر سگریٹ پینے افراد سے التماس ہے کہ وہ سگریٹ پی کر کسی بھی جھاڑی یا جنگلات کے علاقے میں نہ پھینکیں اس سے آگ لگنے کا زیادہ خطرہ رہتا ہے۔

(جاری ہے)

ریسکیو 1122 جہلم نے گزشتہ روز کل 8 فائر ایمرجنسیز پر رسپانڈ کیا اور آج بھی ایک فائر ایمرجنسی تحصیل دینہ میں چک مہیوں پنجاب ہائی وے پٹرولنگ پولیس پوسٹ کے قریب ریسپانڈ کیا ،( فاریسٹ فائر کو ریسکیو 1122 اور دیگر اداروں کی بروقت کارروائی کے بعد قابو پا لیا گیا اور قریبی عمارتوں وجنگل کو نقصان سے بچا لیا گیا۔) جن میں اکثریت فاریسٹ فائر اور جھاڑیوں کی آگ تھیں۔ ان میں سب سے بڑی آگ کھیوڑہ پنڈ دادنخان میں لگی جس پر کئی گھنٹوں بعد قابو پایا گیا۔

Facebook Twitter Google + Share on Whatsapp

متعلقہ عنوان :

مزید مقامی خبریں