ٹی ٹونٹی ورلڈ کپ، پہلے راؤنڈ سے آگے نہ بڑھنے کے باوجود پاکستان ٹیم کروڑوں روپے کی حقدار قرار پائی

فاتح بھارتی ٹیم کے لیے 24 لاکھ 50 ہزار ڈالرز رقم ملی۔ جنوبی افریقا 12 لاکھ 80 ہزار ڈالرز کی انعامی رقم کی حقدار قرار پائی

ذیشان مہتاب اتوار 30 جون 2024 13:56

ٹی ٹونٹی ورلڈ کپ، پہلے راؤنڈ سے آگے نہ بڑھنے کے باوجود پاکستان ٹیم ..

لاہور (اردو پوائنٹ تازہ ترین اخبار۔ 30 جون 2024ء ) آئی سی سی ٹی ٹونٹی ورلڈ کپ کی فاتح بھارتی ٹیم کے لیے 24 لاکھ 50 ہزار ڈالرز کا انعام ملا، پاکستانی روپوں میں انڈین ٹیم کو ورلڈ کپ جیتنے پر 68 کروڑ کے لگ بھگ رقم ملی۔ جنوبی افریقا کی ٹیم 12 لاکھ 80 ہزار ڈالرز کی انعامی رقم کی حقدار قرار پائی۔ جنوبی افریقا کو پاکستانی کرنسی کے مطابق 35 کروڑ 62 لاکھ روپے ملیں گے۔

(جاری ہے)

سیمی فائنل ہارنے والی دونوں ٹیموں کو سات لاکھ 87 ہزار پانچ سو ڈالرز ملیں گے۔ انگلینڈ اور افغانستان کی ٹیم کو پاکستانی کرنسی کے مطابق تقریباً 22 روپے کروڑ انعام ملے گا۔ پہلے راؤنڈ سے آگے نہ بڑھنے کے باوجود پاکستان ٹیم 6 کروڑ 88 لاکھ کی حقدار قرار پائی۔ پہلے راؤنڈ میں گروپ کے تیسرے نمبر کی ٹیموں کیلئے 247,500 ڈالرز مختص تھے۔