ویرات کوہلی کی نئی لُک نے مداحوں کو حیران کردیا

حال ہی میں کوہلی نے ایک تقریب میں انکشاف کیا تھا کہ وہ باقاعدگی سے اپنی داڑھی پر رنگ کرتے ہیں

ذیشان مہتاب ہفتہ 9 اگست 2025 11:14

ویرات کوہلی کی نئی لُک نے مداحوں کو حیران کردیا

لندن (اردو پوائنٹ تازہ ترین اخبار ۔ 9 اگست 2025ء ) بھارتی کرکٹ اسٹار ویرات کوہلی کی نئی تصویر نے سوشل میڈیا پر مداحوں کو حیران کردیا۔

36 سالہ کوہلی ٹیسٹ اور ٹی 20 فارمیٹ سے ریٹائر ہو چکے ہیں تاہم وہ اب بھی بھارت کی ون ڈے کرکٹ ٹیم کا حصہ ہیں، انہوں نے آخری بار بھارت کی نمائندگی چیمپئنز ٹرافی میں کی تھی۔

بھارتی نژاد کاروباری شخصیت شاش نے لندن میں کوہلی کے ساتھ لی گئی ایک تصویر سوشل میڈیا پر شیئر کی ہے۔

اس تصویر میں ویرات کوہلی نے ڈارک گرے زِپ اپ ہُوڈی، لائٹ گرے ٹی شرٹ اور ڈارک بلیو جوگرز پہن رکھے ہیں۔

شاش نے اس تصویر کے کیپشن میں لکھا کہ ’’ڈونٹ نیڈ کیپشن... ود دی کنگ کوہلی‘‘۔

Virat Kohli Clicked With Shash Kiran At London Today.📸🤍
.
.
.#ViratKohli pic.twitter.com/VsqhBd8fnj
— virat_kohli_18_club (@KohliSensation) August 7, 2025

تاہم اس تصویر میں جس بات نے مداحوں کو اپنی جانب متوجہ کیا وہ کوہلی کی داڑھی کا رنگ ہے جس میں ان کے بال کافی سفید نظر آرہے ہیں۔

(جاری ہے)

یہ تصویر ایسے وقت سامنے آئی ہے جب حال ہی میں کوہلی نے ایک تقریب میں انکشاف کرتے ہوئے کہا تھا کہ ’میں نے ابھی دو دن پہلے اپنی داڑھی کو کلر کیا ہے، جب آپ ہر چار دن بعد داڑھی رنگنے لگیں تو سمجھ جائیں وقت آ گیا ہے‘۔

یہ جملہ سوشل میڈیا پر میمز کا موضوع بن گیا اور لوگوں نے سمجھا کہ وہ اصل بات کو مزاح کے پیچھے چھپا رہے ہیں لیکن اب جب ان کی داڑھی میں واضح سفیدی دیکھی گئی تو ان کا یہ تبصرہ سچ معلوم ہونے لگا۔ وہ باقاعدگی سے اپنی داڑھی پر رنگ کرتے ہیں۔