Live Updates

چھکے مارنا میرے لیے فطری بات ہے : حسن نواز

میں نے اس سیزن میں پی ایس ایل میں کئی میچز فنش کیے تھے، اس لیے آج کا ہدف حاصل کرنے کا مجھے پورا اعتماد تھا : مڈل آرڈر بیٹر

Zeeshan Mehtab ذیشان مہتاب ہفتہ 9 اگست 2025 10:54

چھکے مارنا میرے لیے فطری بات ہے : حسن نواز
لاہور (اردو پوائنٹ تازہ ترین اخبار ۔ 9 اگست 2025ء ) پاکستان کرکٹ ٹیم کے کھلاڑی حسن نواز نے کہا ہے کہ ون ڈے میں یہ میرا ڈیبیو میچ تھا میں نے کہا تھا کہ پلیئر آف دی میچ بن کر اسے یادگار بنانا چاہتا ہوں۔ 
ٹرینیڈاڈ میں میڈیا سے گفتگو کرتے ہوئے انہوں نے کہا کہ محمد رضوان نے مجھے کہا کہ آپ کا ڈیبیو میچ ہے اور میچ ختم کرنا ہے، رضوان جب آؤٹ ہو کر جا رہے تھے تب بھی انہوں نے یہی کہا کہ میچ فنش کر کے آنا ہے۔

 
حسن نواز کا کہنا تھا کہ مجھے اعتماد تھا کہ میں ہٹنگ کر لیتا ہوں جس طرح پی ایس ایل میں میچز فنش کرتا رہا تو اسی چیز میں کامیابی ملی، بارش کی وجہ سے بول گرپ ہو رہا تھا اسی وجہ سے تھوڑا ٹائم لیا۔
انہوں نے کہا کہ حسین طلعت کے ساتھ یہی پلان بنایا تھا کہ اگر آخر تک جائیں گے تو آسانی سے میچ فنش کر لیں گے، پلان یہی تھا کہ پارٹنرشپ کرنی ہے کیونکہ ہم بڑے ہٹ مار لیتے ہیں۔

(جاری ہے)

 
ان کا کہنا تھا کہ ڈومیسٹک میں بھی اس طرح کی مشکل پچز پر کھیلے ہوئے ہیں۔ بابر اعظم، محمد رضوان اور سلمان علی آغا سے بہت کچھ سیکھنے کو ملتا ہے۔ 
حسن نواز نے یہ بھی کہا کہ شاہین آفریدی اور نسیم شاہ نے بڑی اچھی بولنگ کی، ہم لوگوں سے مس فیلڈنگ ہوئی جس کا ویسٹ انڈیز نے فائدہ اٹھایا۔ 
واضح رہے کہ پاکستان اور ویسٹ انڈیز کے درمیان کھیلا گیا پہلا ون ڈے انٹرنیشنل پاکستان نے 5 وکٹوں سے جیت لیا۔ 
گرین شرٹس نے 281 رنز کا ہدف 5 وکٹوں کے نقصان پر 49 ویں اوور میں حاصل کیا۔
Live مون سون بارشیں سے متعلق تازہ ترین معلومات