محکمے کے افسران کی چھٹیاں منسوخ کردی گئیں‘صوبائی وزیر خوراک بلال یاسین

فلور ملوں سے عام مارکیٹ تک سستے داموں آٹے کی فراہمی کیلئے محکمہ خوراک پنجاب متحرک قیمتوں میں اضافے اور ناقص انتظامات پر 52 فلور پوائنٹس کو شوکاز جاری، 3 فلور ملز کے لائسنس معطل کر دئیے

ہفتہ 6 جولائی 2024 22:00

لاہور(اُردو پوائنٹ اخبارتازہ ترین - این این آئی۔ 06 جولائی2024ء) فلور ملوں سے عام مارکیٹ تک سستے داموں آٹے کی فراہمی کیلئے محکمہ خوراک پنجاب متحرک ہے۔قیمتوں میں اضافے اور ناقص انتظامات پر 52 فلور پوائنٹس کو شوکاز جاری جبکہ 3 فلور ملز کے لائسنس معطل کر دئیے گئے۔ لاہور ڈویژن 135،فیصل آباد 15، سرگودھا 71، راولپنڈی 147، گوجرانوالہ میں 39 مقامات کی چیکنگ کی گئی۔

گجرات ڈویژن 42، ساہیوال 33، ملتان 106،ڈی جی خان میں 3 پوائنٹس کو چیک کیا گیا۔

(جاری ہے)

صوبائی وزیر خوراک بلال یاسین کا کہنا ہے کہ بوگس ریکارڈ دکھانے اور مہنگے داموں مارکیٹ میں آٹے کی سپلائی پر کارروائیاں کی گئیں۔ مارکیٹ میں موجود تمام آٹا برانڈز کے نرخوں کی فہرستیں مرتب کی جارہی ہیں۔ فوڈ ڈیپارٹمنٹ کے تمام افسران کی چھٹیاں منسوخ کردی گئی ہیں۔ عوامی ریلیف کیلئے افسران فیلڈ میں ہوں گے ۔مہنگے داموں آٹا تھیلوں کی سپلائی کرنیوالے ڈیلرز اور ملز کے لائسنس معطل کر دیے جائیں گے۔ضلعی انتظامیہ اور محکمہ فوڈ کے افسران عوام تک ریلیف کی فراہمی میں حائل رکاوٹوں کو دور کریں۔ وزیر اعلی پنجاب کی ہدایت پر روزانہ مارکیٹ نرخوں کو مانیٹر کیا جارہا ہے ۔