صوبائی وزیر و چیئرمین کابینہ کمیٹی برائے امن و امان خواجہ سلمان رفیق کا محکمہ داخلہ کے مرکزی کنٹرول روم کا دورہ

منگل 16 جولائی 2024 15:57

لاہور (اُردو پوائنٹ اخبارتازہ ترین - این این آئی۔ 16 جولائی2024ء) صوبائی وزیر صحت و چیئرمین کابینہ کمیٹی برائے امن و امان خواجہ سلمان رفیق نے محکمہ داخلہ کے مرکزی کنٹرول روم کا دورہ کیا۔سیکرٹری داخلہ نور الامین مینگل، سپیشل سیکرٹری داخلہ و دیگر افسران نے کنٹرول روم کے حوالہ سے صوبائی وزیر خواجہ سلمان رفیق کو بریفننگ دی۔صوبائی وزیر صحت و چیئرمین کابینہ کمیٹی برائے امن و امان خواجہ سلمان رفیق نے محرم الحرام کے حوالہ سے کنٹرول روم میں مانیٹرنگ کا جائزہ لیا۔

صوبائی وزیر صحت و چیئرمین کابینہ کمیٹی برائے امن و امان خواجہ سلمان رفیق نے اظہار خیال کرتے ہوئے کہاکہ صوبہ بھر کی مجالس و جلوسوں کی کنٹرول روم کے ذریعے مسلسل مانیٹرنگ کی جا رہی ہے۔تمام مجالس و جلوسوں کو چار لیئرز میں سیکیورٹی فراہم کی جا رہی ہے۔

(جاری ہے)

تمام ڈویژنز میں جا کر حکومت پنجاب کی جانب سے اتحاد بین المسلمین کا پیغام پہنچایا ہے۔

علماء کرام سے اتحاد بین المسلمین کا درس دینے کی استدعا کرتے ہیں۔خواجہ سلمان رفیق نے بتایاکہ نویں اور دسویں محرم کی مجالس و جلوسوں کیلئے سیکیورٹی کے خصوصی انتظامات کئے گئے ہیں۔ نویں اور دسویں محرم کے تمام جلوسوں کے روٹس پر ہزاروں کی تعداد میں پولیس اہلکار فرائض سر انجام دیں گے اورتمام انتظامیہ کو آپس میں مضبوط کوارڈی نیشن میں رہنے کی ہدایت کی گئی ہے۔پوری کوشش ہے کہ محرم الحرام خیریت سے گزرے۔