قبائلی نوجوانوں کو مرکزی دھارے میں لانے کے لئے فوج کی کوششیں جاری

جمعرات 18 جولائی 2024 22:48

میران شاہ (اُردو پوائنٹ اخبارتازہ ترین - آن لائن۔ 18 جولائی2024ء) قبائلی علاقوں کے نوجوانوں کو مرکزی دھارے میں لانے کے لئے پاک فوج کی کوششیں جاری، شمالی وزیرستان کے نوجوانوں کے لئے فوج میں بطور آفیسر شمولیت کے ٹیسٹ کی تیاری کے لیے پاک فوج کی جانب سے آئی ایس ایس بی کیڈر کا انعقاد،14 امیدواروں نے حصہ لیا۔

(جاری ہے)

شمالی وزیرستان کے نوجوانوں کے لئے فوج میں بطور آفیسر شمولیت کے ٹیسٹ کی تیاری کے لیے پاک فوج کی جانب سے آئی ایس ایس بی کیڈر کا انعقاد کیا گیا، آئی ایس ایس بی کیڈر کا مقصد نوجوانوں کو فوج میں کمیشن کے لیے تیار کرنا ہے، کیڈر 1 جولائی سے 12 جولائی 2024 تک منعقد ہوا، جس میں 14 امیدواروں نے حصہ لیا، امیدواروں کو فائنل انٹرویو کی تیاری کے علاوہ آئی ایس ایس بی کے دوران ہونے والے تمام ٹیسٹ کی تیاری کروائی گئی، آئی ایس ایس بی ٹیسٹ کی تیاری نہ صرف اس امتحان میں بلکہ آنے والے متعدد دوسرے امتحانات میں بھی مدد فراہم کرے گی، اس ٹیسٹ کی تیاری کا مقصد طلبا کی صلاحیتوں کو بہتر بنانا ہے تاکہ وہ ملکی اداروں میں شمولیت اختیار کر سکیں۔