اسلام آباد سمیت پنجاب کے مختلف شہروں میں موسلادھار بارش‘ نشیبی علاقے زیر آب

گوجرانوالہ اور جہلم میں متعدد فیڈرز ٹرپ کرجانے سے بجلی معطل ہوگئی اسلام آباد اور راولپنڈی میں موسلادھار بارش اور لاہور میں تیز ہواوؤں کے ساتھ بارش

منگل 23 جولائی 2024 12:36

اسلام آباد(اُردو پوائنٹ اخبارتازہ ترین - این این آئی۔ 23 جولائی2024ء) اسلام آباد سمیت پنجاب کے مختلف شہروں میں موسلادھار بارش سے نشیبی علاقے زیر آب آگئے۔پنجاب کے مختلف شہروں میں صبح سویرے بادل برس پڑے جس کے سبب گوجرانوالہ اور جہلم میں موسلادھار بارش سے نشیبی علاقے زیر آب آگئے جب کہ متعدد فیڈرز ٹرپ کرجانے سے بجلی معطل ہوگئی۔

(جاری ہے)

ادھر اسلام آباد اور راولپنڈی میں موسلادھار بارش اور لاہور میں تیز ہواوؤں کے ساتھ بارش ہوئی۔

اس کے علاوہ سرگودھا، نارووال، شکر گڑھ، مظفر آباد اور گردونواح میں گرج چمک کے ساتھ بارش ہوئی، سماہنی میں بارش کے بعد ندی نالوں میں طغیانی آگئی اور بجلی کا بریک ڈاؤن ہوگیا۔مری، بھمبر اور وادی نیلم کے مختلف علاقوں میں بھی بارشں سے موسم خوشگوار ہوگیا۔ماہرین کی جانب سے پنجاب میں بارش کا یہ سلسلہ 2 روز تک چلنے کی پیشگوئی کی گئی ہے۔