سندھ کے 2 لاکھ گھروں کو سولر سسٹم دیں گے، مراد علی شاہ

گرین پاورپلانٹ سے لوگوں کو سستی بجلی فراہم کریں گے، وزیر اعلی سندھ

ہفتہ 3 اگست 2024 19:13

سندھ کے 2 لاکھ گھروں کو سولر سسٹم دیں گے، مراد علی شاہ

کراچی (اُردو پوائنٹ اخبارتازہ ترین - این این آئی۔ 03 اگست2024ء) وزیر اعلی سندھ مراد علی شاہ نے کہا ہے کہ سندھ کے دو لاکھ گھروں کو سولرسسٹم دیں گے، تین کمپنیاں اس سسٹم پر کام کررہی ہیں، تمام کمپنیوں کے شرکا کو خوش آمدید کہتا ہوں۔

(جاری ہے)

وزیراعلی ہاؤس میں سولر ہوم سسٹم کے معاہدے کی تقریب سے خطاب میں مراد علی شاہ نے کہا کہ تھر سے سستی ترین بجلی فراہم کی جارہی ہے، پہلے مرحلے میں 400 میگاواٹ بجلی پیدا کریں گے، چاہتے ہیں لوگوں کو سستی بجلی فراہم کریں۔

انھوں نے کہا کہ اس وقت بجلی کا بحران زیادہ ہے، گرین پاورپلانٹ سے لوگوں کو سستی بجلی فراہم کریں گے۔انہوںنے کہا کہ تمام سرکاری عمارتوں کو سولر سسٹم پر منتقل کیا جائے گا، 34 سرکاری عارتیں سولر پر منتقل ہوچکی ہیں، چاہتے ہیں تمام سرکاری عمارتوں کو شمسی توانائی سے استفادہ حاصل ہو۔