Live Updates

5 اگست کو ہمارے لیڈر کو غیر قانونی طریقے سے حراست میں لیا گیا تھا، اسد قیصر

پوری دنیا کو دکھانا چاہتے ہیں کہ اس ناجائز حکومت کے پاس عوام کا اعتماد نہیں،پی ٹی آئی رہنما

اتوار 4 اگست 2024 22:00

صوابی(اُردو پوائنٹ اخبارتازہ ترین - این این آئی۔ 04 اگست2024ء) تحریک انصاف کے رہنما اسد قیصر نے کہا ہے کہ 5اگست کو ہمارے لیڈر کو غیر قانونی طریقے سے حراست میں لیا گیا تھا۔ میڈیا سے گفتگو کرتے ہوئے اسد قیصر نے کہا کہ یہ حکومت نااہل اور مینڈیٹ چور ہے۔

(جاری ہے)

انہوں نے کہا کہ اس حکومت نے عوام پر مہنگائی کا بوجھ ڈالا ہے، پوری دنیا کو دکھانا چاہتے ہیں کہ اس ناجائز حکومت کے پاس عوام کا اعتماد نہیں۔ اسد قیصر نے کہاکہ صوابی کے بعد اسلام آباد میں جلسہ کریں گے، 14اگست بھی بھرپور طریقے سے منائیں گے۔ انہوں نے کہا کہ ہم کوشش کر رہے ہیں کہ ان تمام پارٹیوں کو اکٹھا کریں جو اس رجیم اور مہنگائی کیخلاف ہیں۔ اسد قیصر نے کہا کہ یہ جو قانون سازی کر رہے ہیں یہ قانون سازی غیر قانونی ہے۔