مریم نواز اور ان کے چچا کے دور حکومت میں ملک میں کوئی بھی محفوظ نہیں،بیرسٹرسیف

جعلی سرکار کے اقتدار میں پاکستانی محفوظ نہیں تو جرمن سیاح کا کیا کہنا، جرمن سائیکل ٹورسٹ راج کماری کے شہر میں لٹ گئے،مشیراطلاعات

منگل 6 اگست 2024 22:58

مریم نواز اور ان کے چچا کے دور حکومت میں ملک میں کوئی بھی محفوظ نہیں،بیرسٹرسیف

پشاور(اُردو پوائنٹ اخبارتازہ ترین - این این آئی۔ 06 اگست2024ء) وزیر اعلیٰ خیبر پختونخوا کے مشیر اطلاعات و تعلقات عامہ بیرسٹر ڈاکٹر سیف نے کہا ہے کہ مریم نواز اور ان کے چچا کے دور حکومت میں اس ملک میں کوئی بھی محفوظ نہیں۔ جعلی سرکار کے اقتدار میں پاکستانی محفوظ نہیں تو جرمن سیاح کا کیا کہنا۔ جرمن سائیکل ٹورسٹ فلورین برگ راج کماری کے شہر میں لٹ گئے۔

جرمن سیاح سے موبائل فون، کیمرہ، اور نقدی کی لوٹ مار کے علاوہ تشدد بھی کیا گیا۔

(جاری ہے)

لوٹ مار کے بعد پنجاب پولیس نے جرمن سیاح سے رشوت بھی طلب کی۔ مریم نواز اور چچا نے عوام کے کپڑے اتروا کر بیچ دیئے۔ یہ دوسروں کو کیا تحفظ فراہم کریں گے۔ ہم سیاح فلورین برگ اور جرمن عوام سے لاہور میں پیش آنے والے واقعہ کی معذرت کرتے ہیں۔ جب تک ملک میں شریف خاندان اقتدار میں ہے ملک میں ڈاکو راج اسی طرح جاری رہے گا۔ ٹک ٹاکر وزیر اعلیٰ سے درخواست ہے کہ جرمن سیاح کیساتھ بھی ویڈیو بنا کر معذرت کریں۔ مریم نواز اپنے لیے کروڑوں کا سوٹ خریدتی ہیں لیکن جرمن سیاح کی تلافی کے لیے صرف 5 لاکھ، وہ کم از کم سیاح کے فون اور کیمرے کے پیسے تو دے دیتیں۔