سنگین جرائم میں مطلوب اشتہاری ملزم کراچی ایئرپورٹ سے گرفتار

جمعرات 8 اگست 2024 12:19

کراچی(اُردو پوائنٹ اخبارتازہ ترین - این این آئی۔ 08 اگست2024ء) ایف آئی اے انٹرپول اور امیگریشن نے سنگین جرائم میں مطلوب اشتہاری ملزم کو کراچی ایئرپورٹ سے گرفتار کرلیا۔ایف آئی اے انٹرپول اور امیگریشن نے کراچی ایئرپورٹ پر مشترکہ کارروائی کی جس دوران سنگین جرائم میں مطلوب اشتہاری ملزم کو کراچی ایئرپورٹ سے گرفتار کیا گیا۔

(جاری ہے)

ایف آئی اے این سی بی انٹرپول نے ملزم کی گرفتاری کے لئے ریڈ نوٹس جاری کیا تھا، ملزم کو جرمنی سے پاکستان پہنچنے پر گرفتار کیا گیا ہے۔

ملزم حرمن زمان بھٹہ پنجاب پولیس کو مطلوب تھا، ملزم کے خلاف تھانہ جلالپور جٹاں گجرات میں اقدام قتل کی دفعات کے تحت مقدمہ درج تھا۔ملزم گزشتہ 2 سال سے گجرات پولیس کو مطلوب تھا، ملزم کو بعد ازاں ایف آئی اے امیگریشن کراچی نے پنجاب پولیس کے حوالے کردیا۔ملزم کی حوالگی انٹرپول اسلام آباد کی ایف آئی اے امیگریشن کے ساتھ قریبی رابطہ کاری کی وجہ سے ممکن ہوئی۔