عمران خان 9 مئی کی سی سی ٹی وی فوٹیجز کیلئے کیس کریں گے،عمر ایوب

لاہور(اردو پوائنٹ اخبارتازہ ترین۔10اگست 2024 ) قومی اسمبلی میں اپوزیشن لیڈر و رہنماء پی ٹی آئی عمر ایوب نے کہا ہے کہ بانی پی ٹی آئی عمران خان 9 مئی کی سی سی ٹی وی فوٹیجز کیلئے کیس کریں گے، عوام اور فوج کے درمیان ن لیگ اور پی پی پی خلا بنا رہی ہے، آئین کے آرٹیکل 7 کے مطابق ریاست مجلس شوری ہے،2024 الیکشن کا سال ہے، ہماری کسی سے کوئی ڈیل نہیں ہو رہی،انسداد دہشت گردی عدالت پیشی کے موقع پر میڈیا سے گفتگو کرتے ہوئے رہنماء تحریک انصاف کا مزید کہنا تھا کہ نو مئی واقعہ کی سی سی ٹی وی فوٹیج سامنے لے آئیں۔

آئین کے مطابق سیاستدان سیاست کریں۔ کل بجلی کی قیمت میں اڑھائی روپے یونٹ اضافہ ہوا ہے جس شخص کی تنخواہ 20 یا 25 ہزار روپے ہے وہ کیسے گزارا کرے۔انہوں نے کہا کہ لیکشن کمیشن کو آزاد ہونا چاہیے۔

(جاری ہے)

یہ الیکشن کا سال ہے۔ اس بھنور سے مضبوط وزیراعظم ہی ملک کو نکال سکتا ہے۔ یہ فارم 47 کی حکومت کچھ نہیں کر سکتی۔ فوج ،ایف سی اور انٹیلی جنس ایجنسیز ریاست کے اوزاراور ملازم ہیں۔

فوج اور اداروں کو اپنے دائرہ میں رہنا چاہیے۔ریاست قومی اسمبلی اور صوبائی اسمبلی اور ٹیکس عائد کرنے والے ادارے ہیں۔ بانی پی ٹی آئی سی سی ٹی وی فوٹیج کیلئے کیس کریں گے۔ہماری کسی سے کوئی ڈیل نہیں چل رہی ہے۔عمر ایوب کا مزید کہنا تھا کہ بانی پی ٹی آئی کا پیغام ہے عوام اور فوج کے درمیان مسلم لیگ ن اور پی پی پی خلا بنا رہی ہے۔ الیکشن کمیشن کو آزاد ہونا چاہیے۔

یہ الیکشن کا سال ہے۔ اس بھنور سے مضبوط وزیراعظم ہی ملک کو نکال سکتا ہے۔عوام کا کوئی پرسان حال نہیں ہے ۔ مہنگائی کی وجہ سے عوام شدید پریشانی میں مبتلا ہے ۔ حکومت نے آئے روز بجلی کی قیمتوں میں اضافہ کرکے غریب کا جینا دوبھر کر دیاہے ۔ بجلی کے بھاری بلوں کی وجہ سے عوام خود کشیاں کرنے پر مجبور ہیں ۔جعلی حکومت پی ٹی آئی کیخلاف فسطائیت کا مظاہرہ کررہی ہے۔ حکومت سپریم کورٹ کے فیصلوں کی دھجیاں اڑا رہی ہے۔