Live Updates

عمران خان 9 مئی کی سی سی ٹی وی فوٹیج کیلئے کیس کریں گے‘عمرایوب

ہفتہ 10 اگست 2024 18:19

لاہور(اُردو پوائنٹ اخبارتازہ ترین - آن لائن۔ 10 اگست2024ء) پاکستان تحریک انصاف (پی ٹی آئی) کے جنرل سیکرٹری، اپوزیشن لیڈر عمر ایوب نے کہا ہے کہ عمران خان 9 مئی کی سی سی ٹی وی فوٹیج کیلئے کیس کریں گے۔انسداد دہشت گردی عدالت لاہور میں پیشی کے موقع پر میڈیا سے گفتگو کرتے ہوئے لیڈر عمر ایوب نے کہا کہ فوج،ایف سی اور انٹیلیجینس ایجنسیز ریاست کے اوزاراور ملازم ہیںانہیں اپنے دائرہ میں رہنا چاہیے۔

انہوں نے کہا کہ آئین کے مطابق سیاست سیاستدان کریں۔ فوج کے پاس جی تھری رائفل،توپیں، اور ٹینک ہیں اور ائیرفورس کے پاس ہوائی جہاز اور جی ایف 17 ہیں۔ نیوی کے پاس سب میرین اور بریگیڈ اور جہاز ہیں۔آئین کے آرٹیکل 7 کے مطابق ریاست مجلس شوری ہے۔ریاست قومی اسمبلی اور صوبائی اسمبلی اور ٹیکس عائد کرنے والے ادارے ہیں۔

(جاری ہے)

عمر ایوب کا مزید کہنا تھا کہ بانی پی ٹی آئی کا پیغام ہے عوام اور فوج کے درمیان مسلم لیگ ن اور پی پی پی خلا بنا رہی ہے۔

الیکشن کمیشن کو آزاد ہونا چاہیے۔ یہ الیکشن کا سال ہے۔ اس بھنور سے مضبوط وزیراعظم ہی ملک کو نکال سکتا ہے۔ یہ فارم 47 کی حکومت کچھ نہیں کر سکتی ہے۔ کل بجلی اڑھائی روپے یونٹ اضافہ ہوا ہے۔جس شخص کی تنخواہ بیس یا پچیس ہزار روپے ہے وہ کیسے گزارا کرے۔پی ٹی آئی رہنما نے کہا کہ میں آئی ایس پی آر کا ترجمان نہیں ہوں۔ نو مئی واقعہ کی سی سی ٹی وی فوٹیج لے آئیں۔ بانی پی ٹی آئی سی سی ٹی وی فوٹیج کے لیے کیس کریں گے۔ہماری کسی سے کوئی ڈیل نہیں چل رہی ہی.