امام مسجد نبوی کی گورنر سندھ ہاوس اسلام آباد آمد پر ان کا پرتپاک استقبال کیا۔ گورنر سندھ

ہفتہ 10 اگست 2024 21:47

کراچی /اسلام آباد (اُردو پوائنٹ اخبارتازہ ترین - آن لائن۔ 10 اگست2024ء) گورنر سندھ کامران خان ٹیسوری نے امام مسجد نبوی ڈاکٹر صالح البدیر کا گورنر سندھ ہائوس اسلام آباد آمد پر پرتپا ک استقبال کیا۔ اس موقع پر سعودی عرب کے سفیر نواب بن سعید المالکی بھی موجود تھے۔ گورنر سندھ کی درخواست پر امام مسجد نبوی نے پاکستان کی ترقی و خوشحالی کے لئے خصوصی دعائیں کیں۔

بعد ازاں میڈیا سے گفتگو کرتے ہوئے گورنرسندھ نے امام مسجد نبوی کو گورنر سندھ ہائوس اسلام آباد آمد پر ان کا شکریہ ادا کیا،امام مسجد نبوی کے دورہ کی برکت سے پاکستان کے مسائل حل ہوں گے۔ ایک سوال کے جواب میں گورنر سندھ نے کہا کہ عہدے آنے جانے کے لئے ہوتے ہیں اور عہدے ہمیشہ نہیں رہتے، کچھ ایسا کر جائیں کہ لوگ آپ کو یاد رکھیں۔

(جاری ہے)

انہوں نے مزید کہا کہ آج گورنر ہائوس میں 50 ہزار نوجوان آئی ٹی کورسز مکمل کرنے جارہے ہیںیہ آئی ٹی کورسز کرنے والے آج 300 سے 600 ڈالرز ماہانہ کما رہے ہیں۔

انہوں نے کہا کہ اگر اس پر کسی کو مسئلہ ہے تو میں کچھ نہیں بول سکتا ہوں، آج گورنر ہا?س کے دروازے عام لوگوں کے لئے کھل چکے ہیں، حیدرآباد میں آئی ٹی کورسز کے لئے 80 ہزار نوجوانوں سے ٹیسٹ لئے اور جلد حیدرآباد میں بھی آئی ٹی یونیورسٹی بننے جارہی ہے۔ انہوں نے کہا کہ جب تک اللہ تعالیٰ نے اس منصب پر بٹھائے رکھا یہ سلسلہ جاری رہے گا،عوام کی خدمت پر یقین رکھتا ہوں، سیاست ہم نے نہیں کرنی، گورنر شپ کا رہنا یا نہ رہنا یہ بالکل ان کا اختیار ہے،کبھی یہ ڈیمانڈ نہیں کی کہ مجھے ہی گورنر رکھیں۔

گورنر سندھ نے کہا کہ گزشتہ روز گورنر ہائوس میں پریس کانفرنس میں جشن آزادی کے حوالہ سے آگاہی دی کہ 14 اگست کے روز گورنر ہا?س میں جشن آزادی کی تقریب میں ایک ملین لوگوں کی شرکت متوقع ہے، جشن آزادی کے پروگرام میں معروف گلوکار عاطف اسلم، راحت فتح علی، عابدہ پروین اور علی ظفر عوام کے لئے پرفارم کریں گے۔ انہوں نے کہا کہ آئی ٹی کورسز کے ساتھ راشن ڈرائیو کا سلسلہ بھی جاری ہے، موٹر سائیکلیں، لیپ ٹاپ بھی تقسیم کئے جا رہے ہیں، رمضان المبارک میں عوامی افطاری شروع کی، لوگ گورنر ہاؤس آکر افطاری کرتے ہیں۔