تھانہ سولجر بازار پولیس کی کارروائی، گٹکا ماوا فروش ملزم گرفتار

اتوار 18 اگست 2024 20:55

کراچی(اُردو پوائنٹ اخبارتازہ ترین - این این آئی۔ 18 اگست2024ء) تھانہ سولجر بازار پولیس نے گٹکا ماوا فروش ملزم کو گرفتار کرلیا،ترجمان ایس ایس پی ضلع شرقی کے مطابق پولیس نے خفیہ اطلاع پر کارروائی کرکے ملزم ذیشان علی ولد لیاقت علی کو گرفتار کرلیا، جبکہ ملزم ساتھی فرار ہونے میں کامیاب ہوگیا۔

(جاری ہے)

ملزم کے قبضے سے 50 پیکٹ گٹکا ماوا اور فروختگی کی رقم برآمد کرلی گئی۔ترجمان کے مطابق ملزمان کے خلاف سندھ گٹکا ماوا ایکٹ کے تحت مقدمہ درج کرلیا گیا ہے، ساتھی ملزم کی تلاش جاری ہے۔ملزم کا کرمنل ریکارڈ حاصل کیا جا رہا ہے، مزید تفتیش جاری ہے۔