خواجہ سلمان رفیق کی زیرصدارت نشتر میڈیکل یونیورسٹی کا 15 واں سینڈیکیٹ اجلاس

منگل 10 ستمبر 2024 20:50

لاہور (اُردو پوائنٹ اخبارتازہ ترین - آن لائن۔ 10 ستمبر2024ء) صوبائی وزیر صحت خواجہ سلمان رفیق کی زیر صدارت محکمہ سپیشلائزڈ ہیلتھ کیئر اینڈ میڈیکل ایجوکیشن میں نشتر میڈیکل یونیورسٹی کا 15 واں سینڈیکیٹ اجلاس منعقدہوا۔اجلاس میں سپیشل سیکرٹری ڈویلپمنٹ سید واجد علی شاہ اور ڈپٹی سیکرٹری حماد الرب سمیت دیگر افسران نے شرکت کی۔وڈیو لنک کانفرنس کے ذریعے وائس چانسلر نشتر میڈیکل یونیورسٹی پروفیسر مہناز خاکوانی، رجسٹرار، سپیشل سیکرٹری ہائر ایجوکیشن ڈیپارٹمنٹ زاہدہ اظہر، پروفیسر ڈاکٹر آصف علی و دیگر محکمہ جات کے افسران نے بطور سینڈیکیٹ ممبران شرکت کی۔

رجسٹرار یونیورسٹی نے سینڈیکیٹ اجلاس میں ایجنڈا کے مندرجات پیش کئے۔صوبائی وزیر صحت خواجہ سلمان رفیق نے اجلاس کے دوران نشتر میڈیکل یونیورسٹی کے 14 ویں اجلاس کے فیصلوں کی توثیق کر دی۔

(جاری ہے)

سینڈیکیٹ اجلاس کے دوران ایم بی بی ایس کلاسز کیلئے موڈیولر اینٹی گریٹڈ کری کولا کی منظوری دی گئی ۔ اجلاس کے دوران نشتر میڈیکل یونیورسٹی کو تمام ایم ڈی ایم ایس پروگرامز کی منظوری کے علاوہ نشتر میڈیکل یونیورسٹی کو ایچ ای سی اینٹی پلیجیارزم پالیسی کو اختیار اور عملدرآمد کروانے کی منظوری بھی دی گئی ہے۔

صوبائی وزیر صحت خواجہ سلمان رفیق نے کہاکہ پنجاب کی طبی درسگاہوں میں معیاری ریسرچ کو پروان چڑھایا جا رہا ہے۔ نشتر ہسپتال ملتان کی ری ویمپنگ منصوبے کو ترجیحی بنیادوں پر مکمل کرنے کی ہدایت کی گئی ہے۔