عمران خان دور کا منصوبہ ملک میں 12 ارب ڈالرز کی سرمایہ کاری لانے میں کامیاب

روشن ڈیجیٹل اکاونٹس میں سرمایہ کاری میں اضافہ، صرف ایک ماہ میں 32 کروڑ ڈالرز کی سرمایہ کاری سے مجموعی سرمایہ کا حجم 12ارب سے تجاوز کر گیا

محمد علی جمعہ 8 مئی 2026 20:30

لاہور (اُردو پوائنٹ اخبارتازہ ترین۔ 08 مئی2026ء) عمران خان دور کا منصوبہ ملک میں 12 ارب ڈالرز کی سرمایہ کاری لانے میں کامیاب، روشن ڈیجیٹل اکاونٹس میں سرمایہ کاری میں اضافہ، صرف ایک ماہ میں 32 کروڑ ڈالرز کی سرمایہ کاری سے مجموعی سرمایہ کا حجم 12ارب سے تجاوز کر گیا۔ تفصیلات کے مطابق روشن ڈیجیٹل اکائونٹس میں ماہانہ سرمایہ کاری 32کروڑ ڈالر سے تجاوز کرگئی ،مجموعی سرمایہ کا حجم 12ارب 70 کروڑ ڈالر اور اکائونٹس کی تعداد 9لاکھ سے زیادہ ہوگئی۔

(جاری ہے)

مارچ 2026ء میں روشن ڈیجیٹل اکائونٹ میں 26کروڑ 20لاکھ ڈالر آئے تھے، اس سے پہلے ماہانہ بنیاد پر آر ڈی اے میں سرمایہ کاری کا حجم 15سی20کروڑ ڈالر تھا۔ روشن ڈیجیٹل اکانٹ میں اب تک مجموعی طور پر 12.7ارب ڈالرکی سرمایہ کاری ہوچکی۔سکیم میں نان ریذیڈنٹ پاکستانی اور فارنرز بھی سرمایہ کاری کر سکتے ہیں، بیرون ملک کمپنیاں قائم کرنے والے نان ریذیڈنٹ پاکستانی بھی سرمایہ کاری کے اہل ہیں۔روشن ڈیجیٹل اکائونٹ میں لگایا گیا سرمایہ یا منافع کسی بھی وقت واپس لے جایا جا سکتاہے، مشرق وسطی جنگ کے بعد آر ڈی اے میں مزید سرمایہ کاری متوقع ہے۔ نان ریذیڈنٹ پاکستانیز آن لائن سرٹیفکیٹ لے کرفائلرکیٹیگری کے تحت ٹیکس ادا کرسکیں گے۔