Live Updates

ایران کی طرف سے آج ہمیں جواب موصول ہوجانا چاہئے، امید ہے سنجیدہ تجاویز سامنے آئیں گی

ایران کوجوہری ہتھیار رکھنے کی اجازت نہیں دے سکتے، ایران کو آبنائے ہرمز کنٹرول کرنے دیا تو کل مزید ممالک سمندری راستے کنٹرول کریں گے۔ امریکی وزیرخارجہ مارکوروبیو

ثنااللہ ناگرہ جمعہ 8 مئی 2026 20:06

ایران کی طرف سے آج ہمیں جواب موصول ہوجانا چاہئے، امید ہے سنجیدہ تجاویز ..

واشنگٹن (اردوپوائنٹ اخبار تازہ ترین۔ انٹرنیشنل پریس ایجنسی ۔ 08 مئی 2026ء ) امریکی وزیرخارجہ مارکو روبیو نے کہا ہے کہ ایران کی طرف سے آج ہمیں جواب موصول ہوجانا چاہئے، امید ہے سنجیدہ تجاویز سامنے آئیں گی۔ میڈیا کے مطابق امریکی وزیرخارجہ مارکو روبیو نے کہا کہ ایران کی طرف سے اب تک ہمیں کوئی جواب موصول نہیں ہوا۔ آج ہمیں ایران کا جواب موصول ہوجانا چاہئے، امید ہے کہ ایران مثبت مذاکرات کی طرف آئے گا۔

امید ہے کہ ایران کی طرف سے سنجیدہ تجاویز سامنے آئیں گی۔ ایران کو کسی بھی صورت جوہری ہتھیار رکھنے کی اجازت نہیں دے سکتے۔ ہماری توجہ صردف لبنانی حکومت پر ہے، حزب اللہ سے مذاکرات نہیں ہوں گے۔ ایران ہم پر میزائل فائر کرے گا تو ہم بھی جواب دیں گے۔انہوں نے کہا کہ ایران کو آبنائے ہرمز کنٹرول کرنے دیا تو کل مزید ممالک سمندری راستے کنٹرول کریں گے۔

(جاری ہے)

دوسیر جانب الجزیرہ کے مطابق امریکی بحریہ نے ایرانی تجارتی جہاز پر حملہ کردیا، حملے میں 10اہلکار زخمی اور 6 لاپتا ہوگئے۔ امریکی بحریہ نے گزشتہ رات ایرانی پرچم والے تجارتی جہاز پر حملہ کیا۔ ایرانی میڈیا کے مطابق امریکی حملے کے بعد ایرانی جہا زکے 5اہلکار تاحال لاپتا ہیں۔ گورنر میناب کے مطابق امریکی حملے میں لاپتا اہلکاروں میں سے ایک کی لاش مل گئی ہے۔