آئندہ دنوں میں مون سون ہوائیں سندھ میں داخل ہونے کا امکان

پیر 16 ستمبر 2024 23:27

کراچی (اُردو پوائنٹ اخبارتازہ ترین - آن لائن۔ 16 ستمبر2024ء) ماہرِ موسمیات کا کہنا ہے کہ آئندہ دنوں میں مون سون ہوائیں سندھ میں داخل ہو سکتی ہیں۔

(جاری ہے)

نجی ٹی وی سے گفتگو کرتے ہوئے ماہرِ موسمیات نے کہا کہ خلیج بنگال میں ہوا کا ایک شدید کم دباؤ موجود ہے، ڈیپ ڈیپریشن سائیکلون بننے سے پہلے کا ایک مرحلہ ہے۔انہوں نے بتایا کہ 20 یا 21 ستمبر تک یہ سسٹم بھارتی گجرات اور راجستھان پر اثر انداز ہوسکتا ہے۔ماہرِ موسمیات کا کہنا ہے کہ اس سسٹم کے زیرِ اثر آئندہ دنوں میں مون سون ہوائیں سندھ میں داخل ہوسکتی ہیں، یہ سسٹم بارش کا سبب بنے گا یا نہیں یہ کہنا قبل از وقت ہے۔#