مالی سال 2024-25 کے پہلے دو ماہ میں کرنٹ اکاﺅنٹ 4 ماہ بعد سرپلس ہوگیا

نئے مالی سال کے پہلے دوماہ میں کرنٹ اکاﺅنٹ خسارے میں تیزی سے 81 فیصد کمی

میاں محمد ندیم جمعرات 19 ستمبر 2024 15:42

مالی سال 2024-25 کے پہلے دو ماہ میں کرنٹ اکاﺅنٹ 4 ماہ بعد سرپلس ہوگیا

اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔19 ستمبر ۔2024 ) مالی سال 2024-25 کے پہلے دو ماہ میں کرنٹ اکاﺅنٹ خسارے میں تیزی سے 81 فیصد کمی واقع ہوئی جبکہ اگست میں کرنٹ اکاﺅنٹ 4 ماہ بعد سرپلس ہوگیا ہے. رپورٹ کے مطابق مالی سال 2024-25میں جولائی تا اگست کے دوران کرنٹ اکاﺅنٹ خسارہ 17.1 کروڑ ڈالر تھا، جب کہ پچھلے سال کے اسی عرصے کے دوران یہ 89.3 کروڑ ڈالر تھا، جس میں 81 فیصد کی کمی واقع ہوئی ہے مالی سال 2024 میں کرنٹ اکاﺅنٹ خسارہ 66.5 کروڑ ڈالر، مالی سال 2023 میں 3.27 ارب ڈالر، مالی سال 2022 میں 17.48 ارب ڈالر تھا اگست میں کرنٹ اکاﺅنٹ سرپلس سرمایہ کاروں کے ساتھ ساتھ ترسیلات زر کے لیے بھی ایک مثبت سگنل بھیجے گا .

رپورٹ میں بتایا گیا ہے کہ گزشتہ سال اسی مہینے میں 15.

(جاری ہے)

2 کروڑ ڈالرز کے خسارے کے مقابلے میں اس سال اگست کے لیے 7.5 کروڑ ڈالر سرپلس پیدا کیے ہیں یہ حکومت کے لیے ایک بڑا ریلیف قراردیا جارہے جو بیرونی قرضوں کی سروسز کے لیے بہت زیادہ اضافی سرپلس کی ضرورت کو پورا کرنے کے لیے جدوجہد کر رہی ہے، حکومت کو مالی سال 2025 میں قرض کی سروسز کے لیے 26 .2 ارب ڈالر کی ضرورت ہے اور یہ ضرورت ہر سال بڑھ رہی ہے، مالیاتی ماہرین کے مطابق یہ معیشت کے لیے اچھی علامت نہیں.

رپورٹ کے مطابق آئی ایم ایف کا 7 ارب ڈالر کا قرض جس کی منظوری اگلے ہفتے متوقع ہے اس کو سود کی ادائیگی کے لیے استعمال کیا جائے گا اس آمد کے باوجود حکومت کو اب بھی چین، سعودی عرب اور متحدہ عرب امارات سے 12 ارب ڈالر کے رول اوور کی ضرورت ہے وزیر خزانہ اور اسٹیٹ بینک کے گورنر نے قوم کو یقین دلایا ہے کہ رول اوور تقریبا یقینی ہے، اس یقین دہانی سے مقامی کرنسی کو ڈالر کے مقابلے میں مضبوط رہنے اور شرح مبادلہ کو مستحکم رکھنے میں مدد ملی ہے.