صدر مملکت آصف علی زرداری کی نوابزادہ نصر اللہ خان مرحوم کے لیے نشان امتیاز کی سفارش

نوابزادہ نصر اللہ خان کی بے مثال دیانت، رواداری اور جمہوری اقدار آئندہ آنے والی نسلوں کی حوصلہ افزائی کا ذریعہ ہوں گی ، آصف زر داری

جمعرات 26 ستمبر 2024 23:23

اسلام آباد (اُردو پوائنٹ اخبارتازہ ترین - این این آئی۔ 26 ستمبر2024ء) صدر مملکت آصف علی زرداری نے نوابزادہ نصر اللہ خان مرحوم کے لیے نشان امتیاز کی سفارش کر دی۔صدر مملکت نے نوابزادہ نصر اللہ خان مرحوم کو جمہوریت،اتحاد اور انصاف کیلئے غیر متزلزل لگن کے اعتراف میں نشان امتیاز (بعد از مرگ) دینے کی سفارش کی ہے۔

(جاری ہے)

صدر مملکت نے کابینہ ڈویژن کو ہدایت کی کہ وہ ایوارڈ دینے کا عمل شروع کریں۔

صدر مملکت نے کہاکہ نوابزادہ نصر اللہ ممتاز اور باوقار سیاستدان تھے،نوابزادہ نصر اللہ خان کی زندگی جمہوریت کی ترقی اور پاکستان کی سیاسی سالمیت کے لئے وقف تھی۔صدر مملکت نے کہاکہ نوابزادہ نصر اللہ خان کی بے مثال دیانت، رواداری اور جمہوری اقدار آئندہ آنے والی نسلوں کی حوصلہ افزائی کا ذریعہ ہوں گی ۔